Deklaratë e fortë: Ish-shoku i Thaçit tregon se si mund të zbulohen vrasjet e zyrtarëve të LDK-së - Bota Sot
Deklaratë e fortë: Ish-shoku i Thaçit tregon se si mund të zbulohen vrasjet e zyrtarëve të LDK-së

Politika

Deklaratë e fortë: Ish-shoku i Thaçit tregon se si mund të zbulohen vrasjet e zyrtarëve të LDK-së

Nga: D. RR Më: 9 shtator 2019 Në ora: 21:57
Hashim Thaçi

Në fushatën jozyrtare që ka filluar nga partitë politike në Kosovë, Lidhja Demokratike e Kosovës, e ka përmendur edhe çështjen e zbardhjes së vrasjeve të pasluftës me motive politike.

Kandidati i LDK-së për deputet Adem Salihaj, kandidat i LDK-së për deputet, i cili tha se s’ka asnjë dilemë se kush është adresa e vrasjeve politike të ndodhura pasluftës në Kosovë.

Lidhur me këtë, ish-shoku i studimeve të Hashim Thaçit, veprimtari Sali Rexhaj, në një prononcim për “Bota sot” ka thënë se partitë politike nuk duhet që gjatë fushatës të përmendim zbardhjen e vrasjeve politike, por që të punojë në forcim të shtetit dhe në këtë mënyrë të zbardhen ato vrasje.

Image
Sali Rexhaj

“Sa u përket vrasjeve, një e keqe shumë e madhe për Kosovën, pa zbardhjen e të cilave nuk mund të ndërtojmë kurrë shtet ligjor e të drejtë, sepse kriminelët ende jetojnë të lirë. Mendoj se më vrasje nuk duhet të merren partitë politike gjatë fushatës zgjedhore. Vrasjet zbardhen vetëm me forcimin e shtetit dhe funksionimin e prokurorive e gjykatave në mënyrë te pavarur”, tha Rexhaj.

Ai duke aluduar në LDK-në, ka shtuar se nuk duhet të bëjnë koalicion me ata që i kanë akuzuar për vrasje.

Ndërsa, ka theksuar se LDK duhet të angazhohet për forcim të shtetit, pasi sipas tij vetëm kështu zbulohen vrasjet po edhe çkapet shteti nga Klani Kriminal Pronto.

“Është treguar shpesh deri më tani se partitë i kanë keqpërdorë vrasjet për vota dhe në fund kanë bërë koalicion me ata që i kanë akuzuar dhe pastaj kanë qeverisë bashkë, kurse gjatë qeverisjes janë harruar vrasjet. LDK duhet të angazhohet për forcim të shtetit, vetëm kështu zbulohen vrasjet po edhe çkapet shteti nga Klani Kriminal Pronto. Vet premtimi i një subjekti se do t’i zbuloj vrasjet me të ardhë në pushtet, është paralajmërim se do ta kapin edhe ata drejtësinë. Çkapja nga një subjekt apo klan, dhe kapja nga subjekti apo klani tjetër, nuk na duhet. Kemi nevojë për shtet juridik, pra shtet të së drejtës më në fund”, është shprehur ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...