Ka indikacione se në Veri të Mitrovicës mund të provokohen incidente,të cilat pastaj do të përdoren nga ata që kërkojnë shkëmbim të territorëve, se gjoja nuk është e mundur që shqiptarët dhe serbët të jetojnë bashkë, dhe se e vetmja mundësi është ndarja.
Analisti politik Faton Mehmeti duke folur rreth kësaj çështje ka thënë për gazetën “ Bota sot” se duhet shumë kujdes dhe instalim të KFOR-it gjerman si garanci më e mirë për të parandaluar një situatë të tillë, të padëshiruar dhe kundër interesave të vendit tonë.
Sipas tij, qeveria duhet të kërkoj nga zonja Merkel që në marrëveshje me NATO-n të dërgohen trupat gjermane në Veri të Mitrovicës.
“Ka shumë njerëz të interesuar si nga ana e Thaçit ashtu edhe e Vuciqit që të provokojnë incidente të tilla, e të cilat pastaj në këtë mjegullnaja të nënshkruajnë ndonjë marrëveshje për ndarje të vendit. Vërtete është situatë e brishtë, e cila shumë shpejt mund të del edhe nga kontrolli”, është shprehur analisti politik Faton Mehmeti.