Riformatim të bisedimeve për përfshirje të Opozitës në dialog - Bota Sot
Riformatim të bisedimeve për përfshirje të Opozitës në dialog

Politika

Riformatim të bisedimeve për përfshirje të Opozitës në dialog

Mimozë Lakna Nga Mimozë Lakna Më 27 shtator 2016 Në ora: 17:00
Foto ilustrim nga "Bota sot"

“Pesë vite pas fillimit të këtij lloj dialogu, Republika e Kosovës ka pësuar mjaft dëme, e ky mendim është përsëritur disa herë, mirëpo sikur ka shkuar në vesh të shurdhër. Opozita e Kosovës, konkretisht ‘Vetëvendosje’ në raport me dialogun dinte të ishte mjaft jo racionale, edhe pse në një moment ajo donte që të ishte kyçe në procesin e dialogut, gjatë kohës së VLAN-it. Përfundimisht dialogu i llojit aktual duhet të mbarojë, kurse bisedimet bilaterale Kosovë – Serbi duhet të vazhdojnë, sikur të ishin bisedimet bilaterale të llojit Kosova – Namibia dhe asgjë më shumë”, ka thënë Albinot Maloku.

Subjektet politike opozitare kanë shprehur gatishmërinë e tyre për përfshirje në bisedimet me Serbinë në Bruksel, me kushtin që të ndryshohet formati i deritashëm i dialogut. Qeveria e Kosovës ka shprehur gatishmërinë e saj për përfshirjen e opozitës në dialogun me Serbinë.  Bajram Gecaj, zv/Ministër i Administrimit dhe Pushtetit Lokal, ka thënë për gazetën “Bota sot” se Kryeministri Isa Mustafa që nga fillimi i ka bërë kërkesë opozitës për përfshirje në dialog.  “Kryeministri Mustafa që nga fillimi i këtij mandati i ka bërë kërkesë opozitës që të përfshihet në dialog. Ju e dini që në mandatin e kaluar, ka pasur përfshirje të opozitës. Mandatin e kaluar Aleanca për Ardhmërinë e Kosovës ka pasur një përfaqësues, Blerim Shalën i cili ka qenë nënkryetar i parë i partisë, pra ka qenë koordinator i dialogut dhe ajo ka qenë shumë e frytshme. Ka mundur që t`i koordinoj punët ndërmjet pozitës dhe opozitës posaçërisht, kur kemi të bëjmë me çështje të interesit nacional”, ka thënë Gecaj.

Ky i fundit,  më tej ka akuzuar opozitën se ka tentuar që cështjet e interesit nacional t`i keqpërdor për përmysjen e pushtetit.  “Ne i kemi bërë opozitës thirrje që nga fillimi dhe vazhdojmë ta bëjmë edhe tash sepse vërtetë do të ishte mirë që opozita të përfshihet në dialog. Megjithatë, ju e dini se ka pasur një rezistencë dhe jo që ka pasur rezistencë, por ka tentuar që këto çështje të interesit nacionalë, t`i keqpërdorë për përmbysjen e pushtetit. Tash sa janë ata të gatshëm të përfshihen, ne do të shohim. Megjithatë do të ishte mirë, sepse këto çështje janë të interesit nacional”, ka theksuar ai.

(Tekstin e plotë mund ta lexoni të Merkurën në publikimin e shtypur të gazetës kombëtare “Bota sot”)

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...