Shaqir Totaj: Puna për Prizrenin nis sot

Prizreni

Shaqir Totaj: Puna për Prizrenin nis sot

Më: 6 dhjetor 2021 Në ora: 14:08
Foto nga vendi i ngjarjes

Sot, edhe zyrtarisht, Shaqir Totaj ka pranuar detyrën e kryetarit të Prizrenit nga ish-kryetari i deritanishëm, Mytaher Haskuka.

Totaj ka falënderuar Haskukën për angazhimin e tij në këto katër vjet për Prizrenin dhe qytetarinë e treguar me rastin e pranim-dorëzimit të detyrës.

Tani është koha për atë që kemi thënë, premtuar dhe për çka kemi kërkuar besimin tuaj: Punën për Prizrenin.

Në këtë mision, ne do të jemi bashkë me të gjitha ata, të cilët sikur ne, kërkojnë një qytet më të zhvilluar, më të pastërt, më funksional, me mundësi më të mëdha e të barabarta për të gjithë në edukim e punësim. Për qytetarët e Prizrenit premtoj vetëm atë që ata e meritojnë: Një qeverisje jodiskriminuese, transparente, me qendër qytetarin dhe të afërt me të. Puna për Prizrenin nis sot”, ka shkruar Totaj në llogarinë e vet në “Facebook”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat