Ndalohen punimet në një objekt ndërtimi në Prizren

Prizren

Ndalohen punimet në një objekt ndërtimi në Prizren

Më: 30 tetor 2026 Në ora: 17:43
Bbjekt ndërtimi në Prizren

Inspektorati Qendror i Punës ka ndaluar përkohësisht punimet në një objekt ndërtimi në Prizren, pas konstatimit të parregullsive në zbatimin e masave për sigurinë dhe shëndetin në punë.

Sipas njoftimit të Inspektoratit, vendimi për ndalimin e punimeve është marrë pas inspektimit në terren, ku janë evidentuar mangësi në respektimin e kërkesave ligjore për sigurinë e punëtorëve.

Punimet do të mbeten të ndaluara deri në eliminimin e parregullsive dhe krijimin e kushteve të sigurta për punë.

Njoftimi:

Ndalohen punimet në një objekt ndërtimi në Prizren, pas inspektimit në terren të Inspektoratit të Punës

Inspektorati Qendror i Punës, gjatë inspektimit në një objekt ndërtimi në komunën e Prizrenit, ka konstatuar parregullsi në zbatimin e masave për Sigurinë dhe Shëndetin në Punë (SSHP).

Si rrjedhojë e këtyre konstatimeve, inspektorët kanë nxjerrë vendim për ndalimin e përkohshëm të punimeve, deri në eliminimin e parregullsive dhe krijimin e kushteve të sigurta për punë.

Inspektorati Qendror i Punës do të vazhdojë mbikëqyrjen inspektuese, me qëllim të garantimit të zbatimit të legjislacionit në fuqi për Sigurinë dhe Shëndetin në Punë.

Dinjitet dhe siguri për punëtorët!

Sot mund të lexoni Shfletoni kopertinat