Motër e vëlla, Erjona dhe Erioni u pranuan në fakultetin e mjekësisë si të parët në listë

Prizreni

Motër e vëlla, Erjona dhe Erioni u pranuan në fakultetin e mjekësisë si të parët në listë

Nga: Muharrem Qafleshi Më: 10 gusht 2022 Në ora: 17:58
Erjona dhe Erioni

Në Kosovë ka nxënës që nga vetë natyra janë punëtor dhe të sjelljeshëm në shkollë jashtë saj, domosdoshmërisht edhe të suksesshëm në mësime. Ata nuk presin çdo gjë nga profesorët por i përvishen punës vetë, punojnë dhe krijojnë shprehi punë ose me një fjalë e nëxejnë karrigen.

Të tillë janë edhe binjakët nga qyteza e Dragashit Erjona dhe Erioni, nxënës shembullor si në mësime ashtu dhe në sjellje, të vlerësuar dhe respektuar nga shokët e shoqet e tyre, nga mësimdhënësit dhe nga prindërit.

Era dhe Eri pasi mbaruan shkollën e mesme “Ruzhdi Berisha” në Dragash, konkurruan në konkursin e pranimit të studentëve të rinj në fakultetin e mjekësisë-drejtimi Farmaci për vitin akademik 2022/23, motër e vëlla testin pranues e plotësuan pa gabime ngase në listë u riradhiten si të parët, Erjona si e para, nën numrin 1 (një) kurse vëllai i saj binjak Erioni si i gjashti, e cila gjë duhet t’i ndërgjegjësoj edhe nxënësit tjerë, se me punë arrihet çdo gjë si në mësime ashtu edhe në jetë.

Sot Erjona dhe Erioni ishin nxënës shembullor, nesër do të jenë student të shkëlqyer dhe mjekë shumë të suksesshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat