Bashkësia Islame e Kosovës, ka njoftuar se faqja në Facebook dhe YouTube e Këshillit të BIK-ut në Prizren është hakuar.
Gjithashtu, është njoftuar se postimet e ditëve të fundit në këto llogari të BIK-ut, nuk paraqesin qëndrime zyrtare të institucionit.
“Të nderuar besimtarë, ju njoftojmë se faqja zyrtare e Këshillit të Bashkësisë Islame në Prizren, në Facebook dhe Youtube, ka disa ditë që nuk mirëmbahet nga personat përgjegjës të këtij Këshillit, si pasojë e vjedhjes së saj nga persona të pandërgjegjshëm.
Andaj, si rrjedhojë, publikimet e bëra gjatë këtyre ditëve, nuk përbëjnë qëndrimet zyrtare të Këshillit”, shkruan në njoftimin i BIK-ut.