Mbretëresha e bimëve mjekësore

Shëndetësia

Mbretëresha e bimëve mjekësore

Më: 27 tetor 2021 Në ora: 23:04
Foto ilustrim

Aloe vera i ngjan një kaktusi, rreth 60 centimetra i lartë, me gjethe të trasha dhe për shkak të vetive të jashtëzakonshme kuruese, njihet si mbretëresha e bimëve mjekësore.

Rritet natyrshëm në zonat me klimë të ngrohtë dhe lagësht. Në botë njihen mbi 250 lloje të kësaj bime dhe katër prej tyre kanë veti shëruese. Është e pasur me minerale dhe vitamina si A, B1, B2, B3, B6, B9, B12, C dhe E, acid folik, magnez, zink, mangan, kalium dhe hekur.

Prej kohësh është përdorur në sëmundjet e lëkurës dhe shërimin e plagëve, për përdorim të jashtëm, dhe si një laksativ. Sot përdoret si ilaç popullor për sëmundje të ndryshme dhe probleme shëndetësore.
Ka efekte antiinflamatore, antibakteriale, antivirale dhe laksative. Neutralizon acidin e ngritur të stomakut, normalizon pH e jashtëqitjes, përmirëson funksionin e mëlçisë, forcon muskujt e zemrës, lehtëson simptomat e astmës dhe alergjitë.

Ai zvogëlon dhimbjen dhe kruajtjen pas pickimit të insekteve, ndihmon te skuqja e lëkurës, puçrrat, njollat e errëta në lëkurë, djegien nga dielli, lehtëson njollat e moshës në duar, rinovon lëkurën dhe përshpejton rritjen e flokëve. Gjithashtu forcon imunitetin, shkatërron viruset, bakteret, kërpudhat dhe parazitët dhe ndihmon në detoksifikimin e trupit.

Largon toksinën nga trupi, lehtëson dispepsin, ulcerat, infeksionet e traktit urinar, reumën dhe artritin. Përdoret në formën e lëngut, çajit ose në formën e kremrave të ndryshëm për aplikim topikal.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat