Vrasja në Shkodër, pa autor/ Prekë Tonaj u qëllua dje në ambientet e një lokali në fshatin Grudë

Shkodra

Vrasja në Shkodër, pa autor/ Prekë Tonaj u qëllua dje në ambientet e një lokali në fshatin Grudë

Më: 14 shkurt 2022 Në ora: 15:21
Foto ilustrim

Vrasja e Prek Tonaj, në fshatin Grude të Shkodrës është ende pa një autor ndërsa janë shoqëruar në polici disa persona ku janë marre në pyetje per ngjarjen. Autori dyshohet se e ka ruajtur viktimën prej ditësh derisa ka gjetur momentin për ta qëlluar.

Mbrëmjen e se dielës, viktima Preke Tonaj, ka lënë shtëpinë e tij pak meter me tutje dhe ka ardhur për të konsumuar dicka në brëndesi të  këtij lokali. Vetëm pak minuta me vonë, një person i maskuar është futur brenda në lokal,  ka kërcënuar klientët e tjerë që të mos lëvizin, i është afruar viktimës, i ka komunikuar një mesazh dhe me pas e ka qëlluar duke e lënë të vdekur.

Autori ka shfrytëzuar errësirën në zonë për tu larguar ndërsa policia po punon për identifikimin e tij. Prokuroria dyshon se vrasja ka si shkak gjakmarrjen për shkak se në të kaluarën, familjes Tonaj, i ishin vrarë edhe dy djem të tjerë. Gjatë periudhës së komunizmit, Nikollë Tonaj u vra në burg teksa në vitin 1996, familja do të merrte hak duke vrarë autorin.

Vite me vonë, në 2011-ën, fisi Tonaj do të përplasej më një fis tjetër po nga Dukagjini, ku mbeti i vrarë edhe Zek Tonaj. Këto vrasje, çojnë prokurorinë e Shkodrës, në dyshime se ekzekutimi i Prek Tonajt mbrëmjen e se dielës, ka ardhur si shkak i gjakmarrjes mes fiseve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat