Ambasada amerikane në Shqipëri fton prokurorët që të aplikojnë dhe të bëhen pjesë e Prokurorisë Speciale Antikorrupsion (SPAK).
Përmes një njoftimi në faqen zyrtare të saj, Ambasada e SHBA bën me dije se “Shqipëria po krijon një sistem të ri drejtësie, bazuar tek pavarësia, profesionalizmi dhe integriteti”.
Sipas ambasadës, “prokurorët të cilët mishërojnë këto ideale i përgjigjen një thirrjeje për shërbim publik që është më e lartë sesa thjesht një vend pune. Ne iu bëjmë thirrje këtyre njerëzve me kurajo që të bëhen pjesë e të ardhmes së Shqipërisë duke aplikuar për të qenë anëtarë të SPAK”. /ATSH
