Publikohet agjenda e vizitës së Sekretarit Kerry në Tiranë - Bota Sot
Publikohet agjenda e vizitës së Sekretarit Kerry në Tiranë

Shqipëria

Publikohet agjenda e vizitës së Sekretarit Kerry në Tiranë

Nga: Gjergj Koja Më: 12 shkurt 2016 Në ora: 14:02

Sekretari amerikan i shtetit, John Kerry do të mbërrijë në vendin tonë të dielën e 14 shkurtit 2016, në orën 9 00.

Mirëseardhjen në aeroportin “Nënë Tereza” do tja japë Presidenti i Republikës Bujar Nishani, me të cilin do të zhvillojë edhe takimin në ambjentet e aeroportit.

Po në ambjentet e aeroportit John Kerry do të takohet me homolgun shqiptar Ditmir Bushati ku do të kenë mundësi edhe për fotot zyrtare të takimit.

Më pas Kerry dhe delegacioni amerikan do të shkojë në Kryeministri fillimisht për një takim dy palësh mes Kryeministrit Rama dhe John Kerry.

Më pas do të ketë një takim më të zgjeruar mes dy delegacioneve po në godinën qeveritare.
Kerry dhe Rama do të kenë një deklaratë për shtyp në përfundim të bisedimeve, por nuk do të lejohen pyetje nga gazetarët.

Prej aty Sekretari Amerikan i Shtetit John Kerry do të takohet me Kryetarin e PD Lulzim Basha dhe disa deputetë të PD

Takimi përmbyllës i vizitës triorëshe të Kerry-t në Tiranë do të jetë me disa të rinj ku pritet të përcjellë mesazhe për të ardhmen dhe sfidat e Shqipërisë

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...