Operacion nga policia shqiptare dhe ajo greke, arrestohen 4 të rinj, vidhnin mjete lundruese - Bota Sot
Operacion nga policia shqiptare dhe ajo greke, arrestohen 4 të rinj, vidhnin mjete lundruese

Shqipëria

Operacion nga policia shqiptare dhe ajo greke, arrestohen 4 të rinj, vidhnin mjete lundruese

Më: 3 shtator 2018 Në ora: 16:23
Mjetet lundruese

Një operacion i përbashkët mes policisë shqiptare dhe asaj greke ka sekuestruar 5 mjete lundruese, ndërsa ka vënë në pranga 4 persona.

Në pranga nga policia jonë janë vënë shtetasit F.Ll, 17 vjeç dhe i mituri A.D., 15 vjeç, të dy banues në fshatin Shëndëlli, Sarandë. Sipas policisë, mbi bazën e informacioneve të siguruara në rrugë operative për persona që vidhin mjete lundruese nga fshati Shëndëlli, Sarandë, më datë 02.09.2018, në grykëderdhjen e lumit “Pavllo”, shërbimet e Policisë si rezultat i operacionit bënë të mundur bllokimin i një mjeti lundrues tip Gomone me mbishkrimin “Highfield”.

Nga kontrolli i ushtruar në banesën e shtetasit A.D, u gjet dhe u sekuestrua një mjet lundrues varkë plastike me mbishkrimin “Evinrude”, pa dokumentacion.

Gjithashtu, si rezultat i bashkëpunimit të ngushtë me Policinë Greke, është bërë i mundur arrestimi i dy shtetasve të tjerë në Ishullin e Korfuzit Greqi, të cilët janë kapur në flagrancë duke vjedhur mjete lundruese (skafe): K.P, 17 vjeç, banues në fshatin Shëndëlli. K.D, 20 vjeç, banues në fshatin Shëndëlli.

Nga ana e policisë shqiptare janë bllokuar dhe sekuestruar 2 mjete lundruese:
– Gomone “Highfield”, motor “Mërkuri” me 9HP.
– Varkë plastike “Evinrude” 25 HP.

Ndersa policia greke ka sekuestruar 3 mjete të tjera lundruese në Ishullin e Korfuzit, Greqi.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...