Kompania “John Deere” prezanton traktorin që mund të punojë arat pa shofer

Teknologji

Kompania “John Deere” prezanton traktorin që mund të punojë arat pa shofer

Më: 6 janar 2022 Në ora: 17:54
Foto ilustrim

Prodhuesi i pajisjeve bujqësore “John Deere” ka lansuar traktorin e tij të parë të automatizuar që mund të punojë arat pa shofer.

Sipas BBC,  makina mund të aktivizohet nga ‘smartphonat’, duke përdorur kamera dhe sensorë për të operuar në tokën bujqësore.

Në vend të një pajisje të re, funksionet e automatizuara janë një komplet që mund të shtohen në disa traktorë ekzistues.

Mirëpo, John Deere tha se nuk ka vendosur nëse dëshiron ta shesë kompletin drejtpërdrejt – dhe po shqyrton një model qiraje ose abonimi.

Kompania nuk është e para që lanson teknologjinë e automatizuar të traktorëve, por është ndër prodhuesit më të mëdhenj të pajisjeve bujqësore në botë.

Kompleti i ri i prezantuar në ekspozitën e teknologjisë CES përdor gjashtë palë kamera “stereo” për të monitoruar zonën përreth. /

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat