Të hënën, Ukraina bëri një lutje zyrtare për dy organe ndërkombëtare të ngarkuara me menaxhimin e burimeve të internetit për të larguar Rusinë nga interneti.
Dy zyrtarë ukrainas ia dërguan një email përfaqësuesve të Corporation for Assigned Names and Numbers (ICANN) dhe Réseaux IP Européens Network Coordination Center (RIPE NCC), duke u kërkuar atyre të bëjnë pjesën e tyre në ndalimin e Rusisë nga përhapja e propagandës.
“Unë po ju dërgoj këtë letër në emër të popullit të Ukrainës, duke ju kërkuar të adresoni një nevojë urgjente për të vendosur sanksione të rrepta kundër Federatës Ruse në fushën e rregullimit të DNS, në përgjigje të akteve të saj të agresionit ndaj Ukrainës dhe qytetarëve të saj”, shkroi Andrii Nabok, i cili përfaqëson Ukrainën në ICANN, në një email që u nënshkrua nga zëvendëskryeministri dhe ministri i transformimit dixhital të Ukrainës, Mykhailo Fedorov.
“DNS” i referohet sistemit të emrave të domenit, një qasje emërtimi që identifikon kompjuterët dhe burimet e tjera që mund të aksesohen përmes internetit.
“Rusia ka shtyrë propagandën me qëllim të dezinformimit, përhapjes së gjuhës së urrejtjes dhe promovimit të dhunës”, shkruante emaili i Nabok dhe Fedorov.
“Rusia po fsheh të vërtetën për luftën në Ukrainë dhe ka sulmuar infrastrukturën e TI-së të Ukrainës, duke ndikuar në aftësinë e qytetarëve të prekur ukrainas dhe qeverisë për të komunikuar”, shtuan ata.
