Microsoft konfirmon mungesën e konzolave për Xbox

Teknologji

Microsoft konfirmon mungesën e konzolave për Xbox

Më: 22 qershor 2022 Në ora: 18:19
Foto ilustrim

Që nga shpallja, Sony dhe Microsoft kanë luftuar për të prodhuar mjaft konzola të gjeneratës së ardhshme për të përmbushur nevojat e tregut.

Microsoft tani po përballet me një problem potencialisht edhe më të madh.

Microsoft ka konfirmuar mungesën e kontrollorëve të Xbox. Sipas disa zinxhirëve të mëdhenj të shitjes me pakicë, edhe dyqani zyrtar i Microsoft nuk ka kontrollues Xbox të disponueshëm për shitje.

Për momentin, Amazon është një nga vendet e pakta ku mund të gjendet dhe të blihet një kontrollues Xbox, shkruan givemesport.

Tregjet në Britaninë e Madhe, Australi, Francë, Holandë dhe Gjermani po përballen me këtë problem.

Nga ana tjetër, lojtarët në Shtetet e Bashkuara nuk duket se janë shumë të prekur nga ky problem, pasi kontrollorët e Xbox janë në dispozicion në shitës të ndryshëm.

Nga ana tjetër, disa shitës kanë filluar të ofrojnë ekskluzivisht kontrollues të përdorur.

Përfaqësuesit e Microsoft theksojnë se për ta është e qartë se aktualisht është e vështirë të gjesh kontrollorë Xbox me valë, për shkak të ndërprerjeve të furnizimit. Kompania thotë se po punojnë me prodhues dhe shitës me pakicë për të përmirësuar situatën e tregut. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat