Turqia pret t’i ketë 25 milionë turistë gjatë vitit 2021

Turizëm

Turqia pret t’i ketë 25 milionë turistë gjatë vitit 2021

Më: 12 janar 2021 Në ora: 11:17
Foto ilustrim

Sektori i turizmit në Turqi pritet të sjellë 25 milionë vizitorë të huaj gjatë vitit 2021, tash kur vaksina anti-Covid ka filluar të merret në shumë shtete të botës.

Virusi ka shkaktuar dëme të mëdha në turizmin e këtij shteti për shkak të pamundësisë së lëvizjes së lirë në të gjithë botën.

Burime nga industria e turizmit në këtë shtet thonë se do të duhen të paktën dy vjet që numri i turistëve të kthehet ashtu siç ishte para pandemisë, shkruan Reuters.

Numri i turistëve në Turqi gjatë vitit 2019 ishte 45,06 milionë të cilët kanë gjeneruar të ardhura në vlerë prej 34,5 miliardë dollarësh.

Ndërkaq, gjatë vitit 2020, numri i vizitorëve ishte 12 milionë, duke pësuar kështu një rënie prej 72 për qind në krahasim me vitin paraprak.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat