Mali i Zi më pak turistë sivjet, këto mund të jenë arsyet

Turizëm

Mali i Zi më pak turistë sivjet, këto mund të jenë arsyet

Më: 18 korrik 2022 Në ora: 21:51
Mali i Zi

Zyrtarët turistikë në Budva, Tivar dhe Ulqin të Malit të Zi nuk janë të kënaqur me sezonin e deritanishëm, restorantet dhe hotelierët pohojnë se ka më pak turistë se vitin e kaluar, dhe shkakun e shohin në luftën në Ukrainë, promovimin e dobët të Malit të Zi si destinacion turistik, por edhe çmimet e larta.

“Një shezlon në plazh kushton 25 euro. Cili turist i klasës së mesme do të paguajë 25 euro?”, tha zyrtari i turizmit në Mal të Zi, Nebojsha Peroviq, shkruan portali i televizionit publik RTCG.

E ata që përkundër çmimeve të tilla vendosën të shkojnë në Mal të Zi, kanë komente të ndryshme për rritjen e çmimeve, të cilat janë 50 për qind më të larta këtë sezon.

Situata nuk është më e mirë në Tivar dhe Ulqin. Zyrtarët e turizmit nga këto komuna theksojnë si problem situatën në Ukrainë dhe promovimin e dobët të Malit të Zi si destinacion turistik.

“Nuk kemi mysafirë nga Rusia dhe Ukraina dhe ata kanë qenë mysafirë që e kanë vizituar shumë Ulqinin. Shpresoj që në 3-4 ditët e ardhshme të kemi një sezon më të mirë nga data 22-23 gusht”, tha një hotelier në Ulqin.

Momçilo Shçekiq nga Shoqata e Hotelierëve dhe Restoranteve në Çanjë mendon se nuk është bërë mjaftueshëm sa i përket promovimit të turizmit.

“Nuk mjafton vetëm të shpërndajmë fletushka, ne duhet të realizojmë video promovuese dhe t’i përfshijmë të gjitha vendet në të”, tha Shçekiq.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat