Kongo goditet nga 61 tërmete për një ditë

Afrika

Kongo goditet nga 61 tërmete për një ditë

Më: 29 maj 2021 Në ora: 18:49
Foto ilustrim

Sizmologët në Republikën Demokrate të Kongos kanë raportuar 61 tërmete brenda një periudhe 24 orëshe të shtunën rreth vullkanit pranë malit Nyirangongo i cili shpërtheu javën e kaluar, derisa u tha që banorët të ikin nga rreziku i rrjedhjes së lavës.

Detajet u përshkruan në një raport ditor të përgatitur për Qeverinë nga Observatori Vullkanik i Gomës (GVO), shkruan CNN.

Raporti shpjegoi se krateri i vullkanit “vazhdon të shembet, i cili kontribuoi në tërmet dhe shkaktoi emisione hiri të dukshme nga Goma”.

Vullkani i lartë 11,500 metra ndodhet rreth 15 kilometra (9 milje) nga Goma me një popullsi prej afro një milion banorë.

Një zëdhënës i qeverisë provinciale tha të premten se rreth 400 mijë njerëz janë larguar nga qyteti; ndërsa zyrtarët paralajmëruan për një shpërthim të dytë.

Shpërthimi i parë të shtunën e kaluar vrau të paktën 31 vetë.

Që nga ajo kohë, zona ka përjetuar një seri tërmetesh dhe lëkundjesh, disa janë ndjerë larg si kryeqyteti i Ruandës, Kigali, më shumë se 100 kilometra nga vullkani në Parkun Kombëtar Virunga.

Nëse magma vazhdon lëvizjen përmes një çarjeje drejt Liqenit Kivu, ekziston një mundësi e një shpërthimi lisnik, ku ky shpërthim mund të shkaktojë fluturim të mbeturinave dhe të lëshojë gaz toksik.

Emetimet e gazit ka të ngjarë të bëhen më të shpeshta në muajt e ardhshëm për shkak të rritjes së vëllimit të magmës nëntokësore.

Shfaq komentet
comments powered by Disqus
Sot mund të lexoni Shfletoni kopertinat