Të paktën 20 persona janë vrarë në shtetin Sokoto të Nigerisë, kur persona të armatosur sulmuan një treg dhe dogjën makina, sipas një zyrtari shtetëror dhe anëtar lokal të parlamentit.
Vrasjet në shtetin Sokoto erdhën ndërsa bandat e armatosura vazhdojnë të bëjnë kërdi në veriperëndim të vendit.
Banditët në rajon kanë rritur rrëmbimet e fëmijëve të shkollës dhe fshatarëve për shpërblim që nga dhjetori, duke prishur jetën e përditshme për miliona njerëz.
Idriss Gobir, këshilltar special i ministrit të çështjeve të policisë Sokoto, tha se sulmuesit hipën në motoçikleta dhe qëlluan në mënyrë sporadike, duke vrarë disa njerëz.
"Banditët në numër të madh vranë të paktën 20 njerëz që ne kemi parë dhe numëruar dhe i vunë zjarrin nëntë automjeteve", i tha ai agjencisë së lajmeve Reuters.
Hussain Boza, një anëtar lokal i parlamentit në Sokoto, fajësoi sulmin për mungesën e sigurisë së duhur në shtet.
Pjesë të Sokotos, si shtetet e tjera fqinje në pjesën veriperëndimore të vendit, janë nën një bllokim telekomunikacioni si pjesë e një operacioni sigurie për të prishur operacionet e bandave të armatosura.
Të enjten, agjentët e sigurisë shpëtuan 187 persona të cilët ishin rrëmbyer nga bandat e armatosura në shtetin Zamfara.
