Parlamenti i Afrikës së Jugut: Arrestohet një person për zjarrin masiv

Afrika

Parlamenti i Afrikës së Jugut: Arrestohet një person për zjarrin masiv

Më: 2 janar 2022 Në ora: 23:23
Parlamenti afrikan

Një burrë është arrestuar pasi një zjarr i madh dëmtoi rëndë dhomat e Parlamentit në qytetin Cape Town të Afrikës së Jugut. raporton BBC.

Një zëdhënës i policisë tha se burri përballej me akuzat për zjarrvënie, thyerje shtëpie dhe vjedhje dhe do të paraqitej në gjykatë të martën.

Zjarrfikësit kanë punuar për orë të tëra për shuarjen e flakëve.

Presidenti Cyril Ramaphosa e quajti atë një "ngjarje të tmerrshme dhe shkatërruese", pasi ai u zotua se puna e parlamentit do të vazhdojë.

Pamjet nga vendi i ngjarjes të dielën treguan një shtëllungë tymi të zi që mbushte qiellin, me flakë të mëdha që dilnin nga çatia e ndërtesës.

Zyrtarët thanë se zjarri filloi në zyrat e katit të tretë dhe u përhap shpejt në dhomën e Asamblesë Kombëtare (dhoma e ulët e parlamentit), raporton Nomsa Maseko e BBC në Cape Town.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat