Kongo akuzon Ruandën për dërgimin e ushtarëve të maskuar brenda kufirit të tyre

Afrika

Kongo akuzon Ruandën për dërgimin e ushtarëve të maskuar brenda kufirit të tyre

Më: 9 qershor 2022 Në ora: 21:47
Foto ilustrim

Forcat e armatosura të Kongos kanë akuzuar Ruandën për dërgimin e forcave të maskuara speciale brenda territorit kongolez, duke shënuar edhe pikën e fundit në marrëdhëniet të cilat vetëm se janë përshkallëzuar mes dy vendeve fqinje pas shpërthimit të dhunës në lindje të Kongos.

Në një deklaratë të lëshuar gjatë së martës nga ushtria e Kongos thonë se rreth 500 ushtarë nga Ruanda janë dislokuar në zonën e Tshanzu në provincën veriore të Kivu, rajon ky i cili kufizohet me Ruandën.

Në deklaratë thuhet se ushtarët ishin veshur me uniforma gjelbër dhe të zezë, ndryshe nga uniforma e zakonshme e ushtarëve ruandez. Me këtë deklaratë u bëhet thirrje banorëve lokalë që të tregojnë kujdes dhe që të denoncojnë këdo që e shohin të veshur me atë uniformë.

Në deklaratën e lëshuar gjithashtu thuhet se rebelët e grupit M23, që thuhet se mbështeten nga Kigali zyrtar, kanë sulmuar një grup të paqeruajtësve të Kombeve të Bashkuara në zonën e Rutshuru, duke plagosur tre paqeruajtës nga Tanzania.

Pas këtyre deklaratave, një zëdhënës i ushtrisë së Ruandës tha se asnjë nga pretendimet e bëra nuk janë të sakta.

Ndërsa, një zëdhënëse e qeverisë ruandeze tha për Reuters së Kigali zyrtar nuk do kundërpërgjigjet “ndaj akuzave të pabaza”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat