Forcat somaleze njoftojnë se i dhanë fund rrethimit vdekjeprurës të një hoteli

Afrika

Forcat somaleze njoftojnë se i dhanë fund rrethimit vdekjeprurës të një hoteli

Më: 21 gusht 2022 Në ora: 08:12
Foto ilustrim

Forcat e ushtrisë së Somalisë kanë deklaruar se i kanë mposhtur militantët që e kanë sulmuar një hotel në kryeqytet pas një rrethimi të përgjakshëm.

Të paktën 12 persona u vranë në ngjarjen vdekjeprurëse e cila zgjati rreth 30 orë, megjithëse mediat lokale raportojnë se numri i viktimave mund të jetë edhe më i lartë.

Sulmuesit përdorën eksploziv për të hyrë në hotelin Hayat të Mogadishu të premten përpara se të merrnin kontrollin me dhunë dhe të mbanin peng mysafirët gjatë natës.

Grupi ekstremist Al-Shabab ka marrë përgjegjësinë për sulmin, shkruan BBC.

“Forcat e sigurisë i kanë dhënë fund rrethimit tani dhe personat e armatosur kanë vdekur, nuk kemi pasur të shtëna me armë zjarri nga ndërtesa në orën e kaluar”, tha një zyrtar i paidentifikuar për agjencinë e lajmeve AFP.

Hoteli është shkatërruar kryesisht pas bombardimeve intensive nga forcat e sigurisë gjatë natës të së premtes dhe të shtunës.

BBC ka raportuar se deri tani nuk kanë ndonjë konfirmim zyrtar se ngjarja ka përfunduar.

Në javët e fundit, luftëtarët e lidhur me grupin kanë sulmuar gjithashtu edhe përgjatë kufirit Somali-Etiopi, gjë që ka ngritur shqetësime për një strategji të re të mundshme nga Al-Shabab.

Sulmi i së premtes shënon sulmin e parë në kryeqytet nga grupi që kur presidenti i ri i Somalisë, Hassan Sheikh Mohamud, u zgjodh në maj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat