Pacolli, Kurtit: Ulu në karrigen e parë dhe shiko gjendjen e rrugëve

Aktuale

Pacolli, Kurtit: Ulu në karrigen e parë dhe shiko gjendjen e rrugëve

Më: 26 shtator 2022 Në ora: 21:32
Albin Kurti dhe Behgjet Pacolli

Presidenti i Aleancës Kosova e Re, Behgjet Pacolli ka kritikuar kryeministrin e Kosovës Albin Kurti, për mungesë investimesh në projekte infrastrukturore.

Pacolli në veçanti foli për rrugën Prishtinë – Gjilan, e cila sipas tij ndodhet në gjendje katastrofale.

Ai i tha Kurtit që gjatë udhëtimit me veturë të ulet në karrigen e parë dhe të shoh nga afër gjendjen e rrugëve.

“Nuk e di se sa i frekuenton rrugët regjionale të Kosovës, z.Kurti. Ndoshta nuk ka kaluar që moti rrugën Prishtinë-Gjilan sepse do ta vërente situatën katastrofale të kësaj rruge. Por, sigurisht ka dëgjuar për aksidentet e shumta që ndodhin si rezultat i mosmirmbajtjes së asaj rruge. Mos te flasim për dëmin e makinave dhe rrezikun permanent për këmbësorët” – tha Pacolli.

“I lutem kryeministrit që në rrugëtimin e parë, të ulet ne makine në ulësen përpara dhe të shoh gjendjen e rrugëve. Ndoshta i mbushet mendja që të përdor buxhetin në këto investime, e jo ta mbajë paranë e bllokuar” – theksoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat