Fauci akoma këshilltari kryesor në luftën kundër coronavirusit, bisedon me administratën e re – pajtohen që të pranojnë rekomandimet e tij

Amerika

Fauci akoma këshilltari kryesor në luftën kundër coronavirusit, bisedon me administratën e re – pajtohen që të pranojnë rekomandimet e tij

Më: 22 janar 2021 Në ora: 21:20
Anthony Fauci

Eksperti amerikan i sëmundjeve ngjitëse Anthony Fauci, pothuajse për asnjë moment nuk e ka braktisur funksionin që e ka ushtruar, por pas gati një viti që është sulmuar vazhdimisht nga ana e ish-presidentit Donald Trump, tani sërish po bisedon me administratën amerikane – e cila ia njeh autoritetin dhe kontributin e dhënë, shkruan AP.

Gjatë fushatës presidenciale, Biden ishte zotuar se do ta emërojë Faucin si këshilltar medicinal – e tani që ka ardhur në pushtet, 80-vjeçari që u ka shërbyer tetë presidentëve – menjëherë e ka pranuar postin dhe i është përveshur punës.

Ai këtë veprim e ka quajtur “të çliruar”, dhe thotë se pas tij qëndron administrata që ka pranuar rekomandimet e tij në luftën kundër COVID-19.

Fauci ka bërë të qartë se beson që administrata e re nuk do të manipulojë me mesazhe të ndryshme që shpesh kanë ardhur nga ekipi i Trumpit, ku faktet shkencore shpesh janë mbuluar për shkak të qëndrimeve politike të presidentit.

Rikthimi i rolit të Faucit në luftën kundër COVID-19, është një tregues se “shkenca që ishte shtypur, tani është në plan të parë”, konsiderojnë ekspertët shëndetësorë në Shtetet e Bashkuara.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat