Drejtoresha e Qendrave amerikane për Kontroll dhe Parandalimin e Sëmundjeve (CDC), Rochelle Walensky, ka paralajmëruar autoritetet federale që nuk e dinë se sa vaksina kundër COVID-19 i kanë në dispozicion SHBA-të, që komplikon planin e ri të presidentit Joe Biden – që synon të vaksinojë 100 milionë qytetarë gjatë 100 ditëve të mandatit të tij, shkruan Fox News.
“Nuk mund t’ju them sa vaksina i kemi, e nëse një gjë të tillë nuk mund t’ua them juve, atëherë nuk mund t’ua them edhe guvernatorëve e as zyrtarëve shëndetësorë, ka thënë Rochelle Walensky.
Ajo ka shtuar se në CDC nuk e dinë se sa vaksina i kanë, jo vetëm këtë javë dhe të ardhshmen, e për këtë punonjësit shëndetësorë nuk mund të planifikojnë asgjë.
“Nuk mund të përcaktojnë se sa punkte të vaksinimin duhet ndërtuar, nuk e dinë se sa personel mjekësorë u duhet e as sa persona mund të pranojnë telefonatën për vaksinim”, ka shtuar ajo.
Walensky beson se CDC shpresojnë se do të ketë më shumë vaksina dhe se do të rritet numri i të vaksinuarve.
