Moti i acartë në SHBA, amerikanët përgatiten për temperatura edhe më të ulëta
Një stuhi e ashpër dimri ka përfshirë Shtetet e Bashkuara të Amerikës. Mirëpo, sipas parashikimeve amerikanët duhet të përgatiten për temperatura dhe më të ftohta.
Sipas “Daily Mail”, dëbora ka arritur në trashësinë deri në 30 centimetra, ndërsa janë shkaktuar dëme materiale si pasojë e erërave të forta.
Stuhia e dëborës që goditi Seattle, Oregon dhe Portland, është më e forta e regjistruar prej shumë vitesh.
Si pasojë e ngricave dhe dëborës në rrugë, janë shkaktuar shumë aksidente masive, duke i marrë jetën disa personave, e duke plagosur me dhjetëra të tjerë.
