Të shtëna në shtetin e Virginias, raportohet për dy të vdekur dhe tetë të lënduar

Amerika

Të shtëna në shtetin e Virginias, raportohet për dy të vdekur dhe tetë të lënduar

Më: 27 mars 2021 Në ora: 11:22
Pamje nga vendi i ngjarjes

Dy persona kanë vdekur si dhe të paktën tetë të tjerë janë plagosur në Virginia të SHBA-së, pas të shtënave të shumta buzë oqeanit në Virginia Beach, thanë autoritetet të shtunën.

Sipas CNN, policia zbuloi të paktën tetë viktima të të shtënave “në skenën origjinale të krimit” pranë Rrugës 20 dhe Atlantic Avenue kur mbërritën të premten në orën 11 të mbrëmjes.

Derisa policia po hetonte skenën e parë të krimit, të shtënat ndodhën rreth një blloku më tutje afër Rrugës 20 dhe Pacific Avenue, derisa një individ u konfrontua nga një oficer i policisë së Virginia Beach.

Oficeri më pas qëlloi dhe vrau personin duke u përshkruar nga autoritetet si ndërhyrje e policisë.

Një person i dytë rezultoi po ashtu i vdekur në një incident tjetër të të shtënave aty pranë, derisa autoritetet po përpiqen ende për ta përcaktuar se çfarë ndodhi por nuk besojnë se kishte të bënte me ngjarjet paraprake.

“Ajo që mund të shihni është se kemi një incident shumë kaotik, një natë shumë kaotike në Beach. Shumë skena të ndryshme krimi”, tha shefi i policisë së Virginia Beach, Paul Neudigate. 

commentFirst article
Sot mund të lexoni Shfletoni kopertinat