Një vajzë që raportohet të jetë 11 ose 12 vjeçare ka qëlluar me armë dhe ka plagosur dy nxënës të tjerë dhe një pjesëtar të stafit në një shkollë në Idaho të SHBA-së.
Nxënësja – identiteti i të cilës nuk dihet – e klasës së gjashtë ka shkuar me armë në shkollë dhe ka shtënë.
Një mësuese ka arritur që ta ç’armatosë nxënësen dhe e ka ndaluar derisa ka ardhur policia të cilët e dërguan të njëjtën në paraburgim.
Të tri viktimat janë në gjendje të mirë shëndetësore dhe nuk janë në rrezik për jetë, sipas zyrtarëve.
Motivi i kësaj ngjarje nuk është i qartë akoma. Ky incident është duke u hetuar nga FBI dhe autoritetet lokale.
