Një grua braziliane është dënuar me 31 vjet burg për planifikimin e vrasjes së burrit të saj, ish-ambasadorit grek në Brazil. Në vitin 2016, eshtrat e djegura të Kyriakos Amiridis u gjetën në bagazhin e një makine të djegur në Rio de Janeiro.
Gruaja e tij Françoise de Souza Oliveira kishte pasur një lidhje me një oficer të policisë ushtarake, Sergio Gomes.
Gomes më vonë pranoi se vrau ambasadorin me urdhër të të dashurës së saj dhe tani ai është burgosur për 22 vjet.
Në fund të gjykimit të tyre tre-ditor, një gjyqtar e përshkroi krimin e tyre si “kafshor”.
Një burrë tjetër, Eduardo Moreira Tedeschi di Melo, një i afërm i Gomes, u shpall i pafajshëm për vrasje, por tashmë ka kryer një vit burg pasi ka ndihmuar për të fshehur trupin e zotit Amiridis.
Amiridis, 59 vjeç, shërbeu si konsull në Rio de Janeiro nga 2001-2004, dhe u kthye në Brazil si ambasador vitin kur u vra. Ai u martua me Françoise në 2004 dhe çifti kanë një vajzë.
Para vdekjes së tij, Amiridis kishte udhëtuar nga kryeqyteti, Brasilia, në qytetin e Nova Iguacu, në veri të Rio -s, për të kaluar pushimet e Krishtlindjeve me gruan e tij dhe prindërit e saj.
Zonja Amiridis fillimisht e raportoi atë të zhdukur, duke i thënë policisë se ai kishte lënë banesën e tyre pa shpjegim dhe ishte larguar me një makinë me qira.
Makina e djegur u gjet të nesërmen me trupin e ambasadorit brenda. Hetuesit gjetën njolla gjaku në një divan në banesën ku çifti kishte qëndruar dhe besohet se ai u vra atje para se trupi i tij të futej në makinën me qira.
