COVID-19 nuk është më një sëmundje e të vaksinuarve, thotë shkencëtari i Oksfordit

Amerika

COVID-19 nuk është më një sëmundje e të vaksinuarve, thotë shkencëtari i Oksfordit

Më: 23 nëntor 2021 Në ora: 15:07
Foto ilustrim

Covid-19 nuk është më një sëmundje e të vaksinuarve, ka thënë kreu i programit të vaksinimit të Oksfordit.

“Tmerri i vazhdueshëm” i pacientëve që kanë probleme me frymëmarrje në spital tani është “kryesisht” për njerëzit që janë të pavaksinuar, sipas profesorit Sir Andrew Pollard.

Sipas The Guardian edhe pse varianti më i transmetueshëm Delta vazhdon të infektojë mijëra, shumica e atyre që janë plotësisht të vaksinuar do të përjetojnë vetëm “infeksione të lehta” që janë “pak më shumë se një shqetësim i pakëndshëm”.

Duke shkruar për The Guardian, Pollard tha: “Midis publikut të gjerë, pandemia konsiderohet ende si një murtajë e heshtur, e bërë e dukshme në imazhet e pacientëve që luftojnë për frymëmarrjen tyre të ardhshme… Ky tmerr i vazhdueshëm, i cili po ndodh nëpër njësitë e Kujdesit Intensiv në Britani tani është e kufizuar kryesisht për personat e pavaksinuar”.

“Përgjithësisht, Covid-19 nuk është më një sëmundje e të vaksinuarve; vaksinat priren të kufizojnë vuajtjen e saj mbytëse, me disa përjashtime”.

Dhe shkencëtarët kanë shpresë se përhapja e dozave përforcuese dhe imunitetit nga përhapja verore e variantit Delta duhet të ndihmojë Mbretërinë e Bashkuar të shpëtojë nga rritja e infeksioneve që shihet në pjesë të Evropës.

Mbretëria e Bashkuar, e cila pa masa të lehtësuara gjatë verës dhe ka nivele më të larta vaksinimi se disa vende evropiane, ndoshta nuk do të goditet aq fort, tha Pollard.

“Në vendet me shkallë më të ulët të vaksinimit, ndikimi i valës aktuale në njësitë e Kujdesit Intensiv do të jetë shumë më i keq se në Britani”.

Megjithatë, Pollard, një nga ata që qëndron pas vaksinës Oxford/AstraZeneca, tha se Covid-19 do të sillte ende presion mbi Shëndetësinë këtë dimër – me pacientë të pavaksinuar që kërkojnë kujdes intensiv dhe pacientë me dy doza të vaksinës të cilët janë më të moshuar dhe të dobët ende në rrezik të “kërcënimit për jetën” nga problemet shëndetësore.

“Vala e fundit e virusit në MB, e cila tani po rritet me shpejtësi në pjesë të Evropës, do të përkthehet drejtpërdrejt në një rrjedhë pacientësh kryesisht të pavaksinuar që hyjnë në ICU”, tha ai në artikullin e shkruar së bashku me Profesorin Brian Angus, profesor i sëmundjeve infektive në Universitetin e Oksfordit.

“Për të parandaluar sëmundje të rënda, këta njerëz kanë nevojë për dozat e para dhe të dyta të vaksinës sa më shpejt të jetë e mundur”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat