Habiti botën me transplantin e zemrës së derrit te njeriu, kirurgu tregon sekretin

Amerika

Habiti botën me transplantin e zemrës së derrit te njeriu, kirurgu tregon sekretin

Më: 27 janar 2022 Në ora: 00:13
Ilustrim

Një 57-vjeçari në Shtetet e Bashkuara të Amerikës i është bërë një transplant zemre, me organin që është marrë nga një derr, i modifikuar gjenetikisht, një procedurë që zhvillohet për herë të parë dhe që i jep shpresë qindra mijëra personave që vuajnë nga sëmundjet e zemrës.

Operacioni i parë i këtij lloji zgjati 8 orë dhe doktorët amerikanë thonë se David Bennett Sr. ndihet shumë mirë.

Ky transplant shënoi padyshim një arritje të madhe në fushën e kirurgjisë.

Por ndërkohë që gjithçka duket se ka shkuar me sukses, dalin detaje interesante mbi procedurën  e përdorur.

Muhammad Mohiuddin, drejtori i ekipit që për 8 orë rresht kreu operacionin e rrallë, ka zbuluar se një nga sekretet e këtij suksesi ka qenë një substancë që zakonisht shihet si një element vdekjeprurës për zemrën.

Behet fjalë për kokainën, e cila është përdorur në një koktej ilaçesh të ideuar nga kompania suedeze XIVO se bashku me përbërës si kortizoli dhe adrenalina, duke mundësuar kështu pranimin e organit të huaj nga organizmi i pacientit.

“Pa këtë solucion, ne kishim arreste kardiake brenda 48 orëve, ndërkohë që me koktejin me bazë kokaine zemra filloi të rrihte shumë mirë”, shtoi Mohiuddin.

Ende nuk dihet arsyeja pse kokaina ka këtë efekt në transplantin e një organi të tillë, për më shumë me origjinë shtazore, por mjekët s epa të operacioni do të shkonte drejt dështimit të plotë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat