U plagos me thikë nga një i ri, vjen lajmi i mirë për shkrimtarin e njohur

Amerika

U plagos me thikë nga një i ri, vjen lajmi i mirë për shkrimtarin e njohur

Më: 16 gusht 2022 Në ora: 11:40
Salman Rushdie

Shkrimtari i njohur, fitues i shumë çmimeve, Salman Rushdie është zgjuar dhe ka nisur të “artikulojë” në bisedat e tij me hetuesit, ndërsa vijon të jetë i shtruar në spital pas sulmit me thikë disa ditë më parë. Ngjarja ndodhi të premten në New York teksa shkrimtari fliste gjatë një seminari.

75-vjeçari iu nënshtrua një operacioni urgjent pasi një 24-vjeçar e goditi gati 15 herë me thikë, në qafë dhe bark, duke i shkaktuar dëmtime të rënda.

Shkrimtari me origjinë indiane, ishte i vetëdijshëm të hënën dhe në gjendje t’iu përgjigjej pyetjeve të hetuesve, raporton CNN. Është e paqartë se çfarë iu tha Rushdie hetuesve pas sulmit që tronditi botën letrare, ndërsa akti u dënua nga të gjithë.

I dyshuari në sulm, Hadi Matar, goditi disa herë me thikë shkrimtarin, ku ky i fundit mori tre plagë në qafë, katër në stomak, plagë shpimi në syrin e djathtë dhe gjoks dhe një plagë në kofshën e djathtë, tha Prokurori i Qarkut Chautauqua, Jason Schmidt gjatë seancës gjyqësore. Rushdie mund të humbasë shikimin në syrin e tij të djathtë, vuri në dukje ai, duke shtuar se sulmi ishte në shënjestër dhe i planifikuar paraprakisht.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat