Zgjedhjet në Amerikë/ Fati i Senatit varet në tri shtete

Amerika

Zgjedhjet në Amerikë/ Fati i Senatit varet në tri shtete

Më: 9 nëntor 2022 Në ora: 08:30 Përditësuar në ora: 22:11 më 09.11.2022
Foto ilustrim

Presidenti Biden flet për herë pas zgjedhjeve

Arritjet e Presidentit Biden ishin pjesë e zgjedhjeve të djeshme edhe pse emri i tij nuk ishte në fletët e votimit. Pavarësisht se si do të jetë rezultati përfundimtar i zgjedhjeve të mesmandatit, presidenca e tij do të ketë ndryshime të thella.

Presidenti Biden dhe këshilltarët e tij i ndoqën votimet nga Shtëpia e Bardhë deri në orët e hershme të mëngjesit të mërkurën, ndërsa presidenti telefonoi mbi 30 kandidatë demoktratë për t’u uruar fitoret.

Shtëpia e Bardhë njoftoi se Presidenti do të mbante një konferencë shtypi mbasditen e së mërkurës për të folur mbi rezultatet.

Në publik, presidenti shprehu optimizëm deri në pikën e fundit, duke u thënë zyrtarëve demokratë në prag të zgjedhjeve se, “ne do t’i befasojmë të gjithë”.

Sidoqoftë, pas dyerve të mbyllura, ndihmësit e Shtëpisë së Bardhë kanë hartuar plane në rast se republikanët marrin kontrollin e njërës apo të të dyja dhomave të Kongresit, një skenar që Presidenti Biden e ka pranuar që do ta vështirësonte punën e tij.

Ende është e paqartë se kush do të marrë kontrollin e Dhomës së Përfaqësuesve, for fitoret në disa gara treguan për forcën befasuese të demokratëve. Pavarësisht nga rezultati, Presidentit Biden do t’i duhet të riorganizojë përparësitë e tij në Shtëpinë e Bardhë.

Javën e kaluar presidenti u bëri thirrje amerikanëve që të jenë të durueshëm ndërsa numërohen votat dhe të shmangin përfshirjen në teori konspirative, një mesazh që ka të ngjarë ta përsërisë gjatë konferencës së shtypit të mërkurën.

Mbështetja e amerikanëve për punën e Presidentit Biden është rritur nga nivelet e ulta të muajve të verës. Sipas një ankete të agjencisë së lajmve Associated Press “VoteCast” me mbi 93,000 votues në të gjithë vendin, 6 në 10 amerikanë nuk e mbështesin mënyrën se si presidenti po e trajton ekonominë.

Nëse republikanët fitojnë kontrollin e Kongresit, aleatët e Presidentit Biden po përgatiten për beteja të ashpra politike, që nga buxheti, detyrimet financiare, mbështetja për Ukrainën e deri tek përparësitë legjislative.

Fitorja e republikanëve mund të sjellë në Kongres një mori kandidatësh të cilët zoti Biden i ka cilësuar si kërcënim për demokracinë, për refuzimin e pranimit të rezultateve të zgjedhjeve presidenciale të vitit 2020. Kjo do të kufizonte mundësitë e bashkëpunimit duke sjellë sfida të reja para zgjedhjeve presidenciale të vitit 2024.

Administrata e Presidentit Biden është përgatitur prej muajsh për një vërshim të pritshëm hetimesh nga republikanët, nëse ata marrin njërën ose të dy dhomat e Kongresit. Ata kanë hartuar strategji ligjore dhe mediatike për të adresuar hetimet që nga tërheqja kaotike e ushtrisë amerikane nga Afganistani deri tek marrëdhëniet e biznesit të djalit të presidentit, Hunter Biden.

Në zgjedhjet e mesmandatit të presidencës së zotit Trump në vitin 2018, republikanët humbën 40 vende në Dhomën e Përfaqësuesve por fituan dy vende në Senat. Demokratët në kohën e Presidentit Bill Clinton, në vitin 1994, humbën 52 vende në Dhomën e Përfaqësuesve dhe 8 vende në Senat./VOA

Fati i Senatit varet në tre shtete

Nuk ka valë të kuqe republikanësh në SHBA, të paktën kështu tregon ecuria e numërimit  të votave deri tani. 

Republikanët bënë  përparime, por demokratët dolën më mirë se sa pritej, duke lënë të paqartë ende se kush do të kontrollojë Kongresin dhe si pasojë të ardhmen e agjendës së Presidentit Joe Biden .

Rezultatet e deri më tanishme tregojnë se demokratët janë  mbrapa në numra për sa i përket dhomës së përfaqësuesve por, numrat për senatin tregojnë një rezultat tmerrësisht të ngushtë.

Ajo që mund të quhet një fitore e konsiderueshme për demokratët tani është se kandidati i tyre John Fetterman triumfoi ndaj republikanit Mehmet Oz në shtetin kyç të Pensilvanisë.

Fetterman mori një vend në Senat që u takonte republikanëve dhe i cili është thelbësor për shpresat e partisë për të mbajtur kontrollin e dhomës së lartë.

Por një fitore po kaq e rëndësishme për republikanët është edhe triumfi i Ron Johnson  në Wisconsin, ai  u shpall triumfues ndaj kundërshtares të tij demokrate Mandela Barnes. Tashmë janë tre shtete kyç që përcaktojnë fatin e kontrollit të senatit.

Në Arizona , demokrati Mark Kelly është përpara kundërshtarit të tij republikan, Blake Masters të miratuar nga Donald Trump, megjithëse deri më tani janë numëruar vetëm 68% e votave. Në Nevada , republikani Adam Laxalt ka një epërsi të lehtë ndaj kandidates demokrate Catherine Cortez Masto.

Dhe e panjohura më e madhe e zgjedhjeve afatmesme në SHBA mbetet gara për xhorxhian , ku republikani Herschel Walker dhe demokrati Raphael Warnock janë në barazim.

Rezultatet paraprake thonë analistët tregojnë se votuesit kanë ndëshkuar Bidenin për kryesimin e një ekonomie të goditur nga inflacioni i madh, ndërkohë që sulmuan gjithashtu lëvizjet republikane për të ndaluar abortin.

Senatori republikan Ron Johnson fiton garën në Viskonsin

Senatori republikan Ron Johnson fitoi ndaj demokratit Mandela Barnes në Viskonsin, duke mbajtur gjallë shpresat e republikanëve për të marrë në kontroll Senatin dhe duke shuar shpresat e zotit Barnes për të hyrë në histori si senatori i parë me ngjyrë në këtë shtet.

Fitorja për zotin Johnson, një nga mbështetësit më të mëdhenj të ish-presidentit Donald Trump, erdhi pasi ky i fundit humbi me një diferencë të ngushtë dy vjet më parë në këtë shtet ndaj Presidentit Joe Biden.

"Votat janë të qarta," tha zoti Johnson në një deklaratë. “Matematikisht, nuk ka asnjë rrugë për gjeneralin Barnes për të kapërcyer diferencën prej 27,374 votash. Kjo garë ka përfunduar”.

Zoti Barnes nuk e pranoi humbjen të mërkurën herët. Ai mbajti një konferencë shtypi në mesditë në qytetin e tij të lindjes në Milluoki.

"Pavarësisht se çfarë thonë, ne jemi të përkushtuar të sigurohemi që çdo votë do të numërohet," tha zëdhënësja e fushatës së zotit Barnes, Maddy McDaniel më herët në mëngjes të mërkurën. "Ne do të presim dhe të shohim se çfarë kanë vendosur votuesit pasi të dëgjohen të gjithë zërat e tyre."

Zoti Johnson, në një intervistë në radion WISN-AM, akuzoi zotin Barnes se refuzoi të pranonte rezultatin e garës pasi kishte premtuar më herët gjatë fushatës që do ta bënte një gjë të tillë.

“Është e qartë se ai nuk ka rrugë drejt fitores”, tha zoti Johnson.

Gara ishte një nga disa gara të ashpra të Senatit në të gjithë vendin, që mund të përcaktojnë se cila parti mban kontrollin e Senatit.

Zoti Johnson tha se priste që republikanët të dilnin më mirë në zgjedhjet e mesmandatit, duke thënë se politikat demokrate "nuk janë të mira për Amerikën".

Zoti Barnes, po kërkonte të bëhej senatori i parë me ngjyrë I shtetit Viskonsin. Zoti Johnson kandidoi për një mandat të tretë.

Ai u zgjodh për herë të parë në vitin 2010, si pjesë e lëvizjes Tea Party dhe fitoi rizgjedhjen në vitin 2016.

Ron Johnson është një nga mbështetësit më të mëdhenj të ish-presidentit Donald Trump. Ai e drejtoi këtë fushatë duke u përpjekur ta paraqesë zotin Barnes si të dobët ndaj krimit dhe zbatues të axhendës së demokratëve.

Zoti Barnes, si shumë demokratë në nivel kombëtar, u përpoq të parashtronte si temë qëndrore abortin, duke theksuar mbështetjen e gjatë të zotit Johnson për përmbysjen e ligjit që mbronte abortin dhe duke argumentuar se milioneri Johnson nuk kishte lidhje me shqetësimet e klasës së mesme./VOA

Në Gjeorgji raportohet se do të ketë zgjedhje të tjera në dhjetor

Gara për Senatin në Gjeorgji është ende e ngushtë mes republikanit Herschel Walker dhe demokratit Raphael Warnock. Walker ka mbi 48% të votave, ndërsa Warnock ka 49%.

Asnjë nga dy kandidatët nuk ka siguruar më shumë se 50% të votave, që do të thotë se duhet të mbahen zgjedhje të tjera sipas ligjeve të Gjeorgjisë. Pra, ky vend do të shkojë në balotazh, raportojnë CNN dhe NBC.

Sekretari i Shtetit i Gjeorgjisë Brad Raffensperger nuk ka konfirmuar ende një balotazh zgjedhjesh, megjithëse ai la të kuptohet se do të jetë e mundshme.

Zgjedhjet e balotazhit do të zhvillohen më 6 dhjetor.

Si dolën kandidatët e mbështetur nga ish-presidenti Trump në zgjedhjet e 8 nëntorit?

Si dolën kandidatët e mbështetur nga ish-presidenti Donald Trump në zgjedhjet e 8 nëntor në SHBA? Korrespondenti i Zërit të Amerikës Mike O'Sullivan njofton se, rezultatet ishin të përziera ndërsa votat u numëruan herët në mëngjes.

Shkrimtari dhe sipërmarrësi J. D. Vance, i mbështetur nga Donald Trumpi, fitoi garës për vendin në Senat nga shteti Ohio ndaj demokratit Tim Ryan.

Por në Pensilvani, demokrati Josh Shapiro fitoi për postin e guvernatorit duke mposhtur kandidatin e mbështetur nga Trumpi, Doug Mastriano.

Senatorja demokrate e Nju Hemshërit, Maggie Hassan mposhti kandidatin republikan Don Bolduc i mbështetur nga Trumpi, i cili pranoi humbjen të martën mbrëma.

“Jam i nderuar që kam pasur mundësinë të përfaqësoj Partinë Republikane në garën për Senatin amerikan këtu në Nju Hemshër”, tha kandidati Don Bolduc.

Në një nga garat më të ndjekura për senatin, ajo në Pensilvani, republikani Mehmet Oz, një mjek i famshëm, i mbështetur nga zoti Trump, humbi ndaj demokratit John Fetterman, të cilit i erdhën në ndihmë gjatë fushatës ish-presidenti Barack Obama dhe presidenti Joe Biden.

Arizona është një tjetër shtet me garë të ngushtë, ku Kari Lake, e mbështetur nga ish presidenti Trump, është përballë demokrates Katie Hobbs për postin e guvernatores. Ndërsa në garën për në Senat, po përballen Blake Masters, i mbështetur nga Trumpi me ish-astronauti Mark Kelly, demokrat.

Disa qendra votimi në jugperëndim përjetuan probleme, duke përfshirë këtë qendër në Finiks.

“Njerëzit shkuan, dhe u përpoqën të kalojnë fletën e votimit përmes makinës. Ndoshta një në çdo pesë apo më shumë prej atyre fletëvotimeve, nuk u procesua”, thotë Bill Gates, drejtues i bordit të qarkut Marikopa.

Ai tha se këto fletë votimi do të numërohen me dorë, diçka që republikania Kari Lake e sheh të dyshimtë.

Guvernatori Chris Sununu i Nju Hemshërit dhe Guvernatori Brian Kemp i Xhorxhias, të dy republikanë që kanë marrëdhënie të ftohta me Trumpin fituan në gara. Ish presidenti Trump mbështeti një sfidues të pasuksesshëm në zgjedhjet paraprake republikane ndaj Brian Kempit, i cili zemëroi ish-presidentin duke hedhur poshtë pretendimin e pabazë se Trumpi kishte fituar Xhorxhian në zgjedhjet e fundit.

Në garën e guvernatorit në Miçigan, demokratja në detyrë Gretchen Whitmer mposhti kandidaten republikane Tudor Dixon, e mbështetur nga zoti Trump.

E pavendosur është edhe gara për senatin në Xhorxhia, ku demokrati aktual, Raphael Warnock, u përball me ish-yllin e futbollit Herschell Walker, të mbështetur nga Trumpi.

Rezultati i këtyre garave do të përcaktojë përbërjen e Kongresit dhe drejtimin e ardhshëm të të dyja partive.

​Rezultatet në Nevada do të priten me ditë

Disa gara kyçe në zgjedhjet afatmesme në SHBA janë afër dhe numërimi do të zgjasë me ditë.

Një nga garat kyçe për kontrollin e Senatit po zhvillohet në Nevada, ku senatorja demokrate Catherine Cortez Masto po kalonte me vështirësi kundërshtarin e saj republikan, Adam Laxalt, herët në mëngjes të së mërkurës.

Zyrtarët e zgjedhjeve shtetërore parashikojnë se mund të duhen disa ditë për të përcaktuar rezultatin përfundimtar, sepse ata janë të mbingarkuar me mijëra fletë votimi të dërguara me postë dhe do të duhet kohë për t'i numëruar ato.

Sipas ligjeve të zgjedhjeve shtetërore, ato mund të numërohen nëse mbërrijnë jo më vonë se të shtunën, nëse kanë vulën e postës në ditën e zgjedhjeve.

Zyrtarët zgjedhorë të qarkut Washoe thanë për New York Times se ata presin rreth 16 000 fletë votimi me postë në ditën e zgjedhjeve dhe ato vota nuk do të numërohen deri të enjten, sepse punonjësit e votimit po votonin vonë.

Ndërsa gara mund të jetë konkurruese, kjo nuk i ka penguar të dy kandidatët të shprehin besimin në fitoren e tyre. Republikanët aktualisht kanë nevojë për vetëm një vend tjetër në Senat për të marrë kontrollin, dhe kjo varet nga garat në Nevada, Arizona, Wisconsin dhe Gjeorgji.

Fushata e Fetterman kundër mjekut turk të Trump

Gara zgjedhore në Pensilvani ishte kritike që në fillim, me kandidatin democrat Fetterman dhe republikanin me origjinë turke Mehmet Oz. Fituesi i kësaj beteje vendimtare është John Fetterman, i cili  shpëtoi jo vetëm veten, por edhe Bidenin  dhe demokratët.

Për “New York Times”, në vitin 2009 Fetterman ishte kryebashkiaku më “cool” në Amerikë.

Fushata e Fetterman kundër mjekut turk të Trump

Fitorja e Fetterman sot u parapri nga një fushatë plot me debate për shërbimin shëndetësor dhe një betejë për kontrollin e një prej shteteve më të rëndësishme të vendit.

Nga viti 2005 deri në vitin 2019, John Fetterman shërbeu si kryebashkiak i Braddock, Pensilvani. Në vitin 2016, ai kandidoi me demokratët për vendin e Senatit në Pensilvani, por nuk ia doli.

Në shkurt 2021, ai njoftoi se do të kandidonte përsëri për vendin e lënë bosh pas daljes në pension të senatorit republikan Pat Toomey në zgjedhjet e 2022. Në zgjedhjet paraprake të majit, ai fitoi nominimin e Demokratëve për zgjedhjet afatmesme të nëntorit.

Fitorja e tij në zgjedhjet afatmesme konsiderohet e rëndësishme jo vetëm sepse ai u hoqi republikanëve një vend në Senat, por sepse  Mehmet Oz ishte një zgjedhje personale e ish-presidentit amerikan Donald Trump.

Menjëherë pas shpalljes së rezultateve, Fetterman falenderoi votuesit. Në një moment gjatë fjalimit të tij, ai nuk i mbajti dot lotët kur përmendi gruan e tij, falë së cilës, tha ai, është ende gjallë.

Fetterman ka pasur probleme të mëdha shëndetësore, por ka arritur t’ia dalë.

Një mbështetës i flaktë i marrëdhënieve Izrael-SHBA

Ai është një mbështetës i vendosur i marrëdhënieve Izrael-SHBA dhe është zotuar më parë se, nëse zgjidhet si senator i SHBA-së, do të ndihmojë në forcimin e marrëdhënieve midis dy vendeve.

Ai ka theksuar se marrëdhënia SHBA-Izrael “është një marrëdhënie e veçantë që duhet të ruhet, të mbrohet përmes legjislacionit dhe të gjitha përpjekjeve diplomatike të disponueshme në rajon”.

Fetterman ka mbështetur gjithashtu legalizimin e kanabisit.

Po ashtu mbështet lëvizjen “Black Lives Matter” (Black Lives Matter) si dhe vendosjen e taksës ndaj qytetarëve të pasur dhe është pro sindikatave, duke thënë se mënyra e tyre e punës është e shenjtë”.

Beteja për Senatin është ende e hapur, ja kush po kryeson në Dhomën e Përfaqësuesve

Rrjedha e rezultateve nga zgjedhjet afatmesme në vend të martën tregon se republikanët kanë fituar shumicën në Dhomën e Përfaqësuesve, gjë që do të shkaktojë vështirësi për pjesën tjetër të mandatit të Joe Biden në Shtëpinë e Bardhë.

Beteja për kontrollin e Senatit mbetet ende e hapur.

Të dyja partitë po shënojnë fitore në disa nga shtetet më të balancuara në zgjedhjet afatmesme të këtij viti, të fokusuara në zhgënjimin e votuesve për shkak të inflacionit të lartë dhe përmbysjes së Roe v Wade.

Demokratët mbajtën një vend kyç në Senat në New Hampshire  ku kryetarja në detyrë Maggie Hassan mundi republikanin Don Boldut, një gjeneral në pension, i cili fillimisht i kishte bërë jehonë fushatës së ish-Presidentit Donald Trump në 2020.

Republikanët ruajtën vendet e tyre në Senat në Ohio dhe Karolinën e Veriut . Gara është e ngushtë, qark pas qarku, për kontrollin e Dhomës së Përfaqësuesve, ku demokratët kanë përqendruar përpjekjet e tyre në qendrat urbane nga Virxhinia në Kansas dhe Rhode Island.

Shumë nga rrethet që mund të përcaktojnë kontrollin e Dhomës së Përfaqësuesve në shtete si Nju Jorku dhe Kalifornia ende nuk ka një fitues.

Por kandidati demokrat Josh Shapiro thuhet se mundi guvernatorin e Pensilvanisë të martën, sipas Edison Research, duke mposhtur një republikan që përsëriti akuza të rreme për mashtrime zgjedhore në një shtet presidencial ku guvernatori emëron zyrtarin që mbikëqyr zgjedhjet.

Josh Shapiro, prokurori i përgjithshëm i shtetit, mundi republikanin Doug Mastriano, i cili i bëri jehonë pretendimeve të rreme të ish-presidentit Donald Trump për manipulim të votave dhe ishte i pranishëm në pushtimin e Kapitolit të SHBA më 6 janar 2021 për të protestuar ndaj rezultateve të zgjedhjeve presidenciale të vitit 2020. zgjedhjet.

Partia Demokratike duket se po fiton në Massachusetts dhe Maryland me kandidatë që po bëjnë histori, ndërsa republikanët fituan në Florida dhe Teksas, sipas Edison Research.

Në Massachusetts, Prokurorja e Përgjithshme Demokratike Maura Healy është bërë gruaja e parë që merr postin më të lartë të atij shteti, ku do të jetë gjithashtu guvernatorja e parë lezbike e vendit.

Në Maryland, një shtet ku 31% e popullsisë janë me ngjyrë, demokrati Wes Moore u bë kandidati i parë afro-amerikan i shtetit që fitoi zgjedhjet për guvernator. Në Teksas, guvernatori republikan Greg Abbott fitoi një mandat të tretë duke mundur kandidatin demokrat Beto O’Rourke, një ish kongresmen amerikan, raporton abcnews.al.

Guvernatori i Floridës, Ron DeSandis, u rizgjodh sërish duke mundur demokratin Charlie Crist me afro 20% më shumë, me 94% të votave të numëruara.

De Sandys, 44 vjeç, pritet të kandidojë për president në vitin 2024. Diçka e tillë ka zemëruar ish-presidentin republikan Donald Trump.

Trump tha se do të bënte një njoftim të madh të martën e ardhshme, kur pritet gjerësisht të deklarojë kandidaturën e tij. Republikanët mbajtën gjithashtu postin e guvernatorit në Arkansas , ku ish-sekretarja e shtypit e  Trump në Shtëpinë e Bardhë, Sarah Huckabee Sanders, u bë guvernatorja e parë grua e shtetit.

Në mënyrë të ngjashme, në Georgia, guvernatori republikan Brian Kemp ka epërsi ndaj kandidates demokrate Stacey Abrams, në një shtet tradicionalisht të balancuar, ku beteja për vendin e Senatit mbetet e hapur dhe mund të vendoset në një balotazh.

Republikanët janë përgjithësisht të favorizuar për një shumicë në Dhomën e Përfaqësuesve në zgjedhjet afatmesme.

Megjithatë, rezultatet mund të mos dalin para të enjtes.

Ja çfarë dihet deri tash nga rezultatet e zgjedhjeve afatmesme 2022

Kontrolli i Dhomës dhe Senatit mbeti i pasigurt në orët e para të së mërkurës, në Shtetet e Bashkuara të Amerikës (ShBA).

Guvernatori John Fetterman mundi Mehmet Ozin pas një fushate të trazuar në Pensilvani, megjithatë kontrolli i Kongresit mbeti i pasigurt. Guvernatorja Kathy Hochul e Nju Jorkut e ndaloi sfiduesin e saj republikan, shkruan nytimes.com.

Çfarë duhet të dini pasi zgjedhjet turbullojnë drejt një përfundimi?

Një fitore e vështirë nga nënguvernatori i Pensilvanisë, John Fetterman, ndaj mjekut të famshëm Mehmet Oz e ktheu një vend në Senat nga republikani në demokrat, shenja më e fundit se “e ashtuquajtura ‘vala e kuqe’ që republikanët prisnin të martën thjesht nuk po realizohej”.

Të dyja partitë arritën fitore të profilit të lartë në garat e guvernatorëve dhe në garat e Senatit, por pas një prej fushatave më të rëndësishme afatmesme në historinë e fundit, kontrolli i Dhomës dhe Senatit mbeti i pasigurt në orët e para të së mërkurës.

Deri më tani, vetëm një kryetare demokrate, përfaqësuesja Elaine Luria e Virxhinias, ishte mundur në luftën për Dhomën e Përfaqësuesve. Dhe në dy gara të tjera kritike në Dhomën e Përfaqësuesve, përfaqësuesja Abigail Spanberger, një tjetër demokrate nga Virxhinia, mbajti vendin e saj, sipas Associated Press, dhe Seth Magaziner fitoi në Rhode Island për të mbajtur një vend të hapur në kolonën e demokratëve dhe për të qetësuar republikanët.

Votuesit po përcaktonin se cila parti do të kontrollonte jo vetëm Dhomën e Përfaqësuesve dhe Senatin, por edhe 36 qeveritë dhe një sërë postesh kritike shtetërore, si sekretarët e shtetit dhe gjyqtarët e gjykatës supreme. Zgjedhjet e tyre do të ndikojnë në pjesën tjetër të presidencës Biden, në të ardhmen e abortit ligjor në disa shtete, madje edhe në formën e vetë demokracisë përfaqësuese.

Por, ndërsa rezultatet e zgjedhjeve erdhën, u bë e qartë se afatet e ndërmjetme të vitit 2022 kishin tronditur pritshmëritë republikane dhe kishin habitur edhe demokratët. Frika e një kolapsi në shtetet demokratike rezultoi e pabazuar pasi garat e guvernatorëve në Nju Jork dhe Pensilvani, një garë për Dhomën e Përfaqësuesve në Rhode Island dhe garat për Senatin në Kolorado dhe Uashington, të gjitha shkuan te demokratët.

Dhe në shtetet e lëvizjes, demokratët dolën shumë më mirë sesa pritej. Guvernatori Gretchen Whitmer, një demokrat, u rizgjodh në Michigan. Demokratët mbanin vende të tjera në pjesën e sipërme të Midwest-it, siç ishte vendi i përfaqësueses Angie Craig të Minesota-s, të cilat kishin frikë t'i humbnin. Ata po i tejkalonin pritjet në Teksasin e Jugut, duke fituar dy nga tre vendet e kontestuara të Dhomës.

Vetëm në Florida dhe Nju Jork republikanët arritën në të vërtetë fitime të hershme. Të mërkurën herët në Nju Jork, republikanët mbajtën një vend në Long Island dhe zunë një vend të hapur atje nga demokratët.

Në garën për Senatin, Maggie Hassan, një demokrate nga New Hampshire dhe Michael Bennet, senator demokrat nga Kolorado, fituan rizgjedhjen me vendosmëri, duke i dhënë fund dy garave që shiheshin si paralajmërues të mundshëm për një republikan.Por në Ohajo, autori dhe investitori J.D. Vance mundi sfiduesin e tij demokrat, përfaqësuesin Tim Ryan, me shtatë pikë përqindjeje, afërsisht me të njëjtën diferencë me të cilën Donald J. Trump mundi Joseph R. Biden Jr. dy vjet më parë.

Garë e ngushtë për kontrollin e Kongresit amerikan

Pas zgjedhjeve të së martës në Shtetet e Bashkuara ende nuk dihet se kush do të ketë kontrollin e Kongresit amerikan, duke lënë të paqartë nëse republikanët do të marrin kontrollin nga demokratët e presidentit Joe Biden.

Kongresi amerikan përbëhet nga dy institucione: Dhoma e Përfaqësuesve dhe Senati amerikan. Sipas Associated Press, në Dhomën e Përfaqësuesve më së shumti ulëse kanë fituar republikanët, gjithsej 190, kundrejt demokratëve që kanë marrë 154.

Por, gara për Senatin amerikan është më e ashpër, pasi ajo mbetet ende e hapur në disa shtete kyçe.

Demokrati John Fetterman ka shpallur fitoren në Pensilvani dhe nëse ai shpallet fitues në këtë shtet do të ishte një fitore e rëndësishme për demokratët në Senat. Sipas AP-së, me fitoren e Fettermanit, demokratët deri më tani kanë fituar 48 ulëse në Senat, kundrejt republikanëve që kanë një ulëse më pak.

Ndërkaq, sa i përket ulëseve në senat, garat në Arizona, Xhorxhia dhe Nevada po konsiderohen se ende janë të hapura.

Gara në Xhorxhia mund të shkojë në balotazh, që do të mbahej më 6 dhjetor, dhe ky shtet mund të jetë kyç për të përcaktuar balancën në Senat.

Sondazhet kanë treguar para zgjedhjeve se ka pasur një rënie të vlerësimit për punën e Bidenit dhe votuesit kanë qenë të zemëruar për shkak të nivelit të inflacionit.

Megjithatë, republikanët, sikurse senatori Lindsey Graham, presin që të fitojnë shumicën në Senat.

“Mendoj se kur do të përfundojë gara ne do të kemi 51 apo 52 ulëse”, tha ai.

Megjithatë, nëse dy partitë, ajo demokrate dhe republikane do të kenë numrin e njëjtë të ulëseve në Senat, atëherë demokratët do të marrin shumicën, për shkak të ulëses së nënpresidentes amerikane, Kamala Harris.

Edhe me një shumicë të ngushtë të republikanëve në Dhomën e Përfaqësuesve, do t’iu mundësonte atyre të bllokonin prioritetet e Bidenit.

Mbi 46 milionë amerikanë kanë votuar para ditës së zgjedhjeve, qoftë përmes postës, apo votimit në qendra të votimit. Por, zyrtarët shtetërorë zgjedhorë kanë paralajmëruar se numërimi i këtyre votave do të marrë kohë.

Inflacioni i lartë dhe të drejtat e abortit ishin ndër shqetësimet kryesore të votuesve, dhe sipas sondazheve, një në tre votues ka zgjedhur njërën prej këtyre dy temave si shqetësime kryesore. Krimi, që ka qenë në fokusin e republikanëve gjatë javëve të fundit të fushatës, po ashtu ka qenë një prej çështjeve kryesore të përmendura nga një në dhjetë votues.

Në SHBA, inflacioni vjetor është 8.2 për qind, që është niveli më i lartë i shënuar në 40 vjet. Këto shifra kanë paraqitur pengesë për demokratët gjatë fushatës së tyre.

Një sondazh i realizuar nga Reuters/Ipsos gjatë kësaj jave gjeti se 39 për qind e amerikanëve pajtoheshin me mënyrën se si ka punuar Biden.

Ndërkaq, sipas po të njëjtit sondazh, ish-presidenti amerikan Donald Trump, ka një përqindje pothuajse të njëjtë, ku 41 për qind e respondentëve e panë atë si favorit.

Në Kongres, nëse republikanët kontrollojnë Dhomën, kjo do të paraqiste kërcënim për prioritetet e demokratëve sikurse të drejtat e abortit dhe ndryshimet klimatike, ndërkaq në Senat, republikanët do të mund të bllokonin nominimet e Bidenit në sistemin e drejtësisë, përfshirë edhe çdo emërim të ri në Gjykatën Supreme.

Ndërkaq, sa i përket ndihmës për Ukrainën që po përballet me pushtimin rus, analistët kanë argumentuar se nëse republikanët marrin pushtetin në Kongres, ka pak gjasa që të ngadalësojnë furnizimet me armë dhe ndihmën ekonomike për Kievin./REL

comment Për komente lëvizni më poshtë
Sot mund të lexoni Shfletoni kopertinat