Avokati amerikan gati sa nuk e vrau me armë zjarri ish të dashurën në Texas

Amerika

Avokati amerikan gati sa nuk e vrau me armë zjarri ish të dashurën në Texas

Më: 1 dhjetor 2022 Në ora: 18:41
Foto nga vendi i ngjarjes

Avokati 41-vjeçar nga Austin, Teksas, u kap duke u përpjekur të qëllonte ish-të dashurën në një lokal ku ajo punonte.

Gavin Rush ishte arrestuar pasi dyshohet se hyri në Pub Anderson Mill me një armë rreth orës 11:30 të mëngjesit të së shtunës dhe iu afrua ish-it, e cila ishte pas banakut, sipas policisë amerikane.

Ai vuri një çantë të vogël lëkure në tavolinë dhe e pyeti nëse mund të fliste me të, raporton nypost.

Kur ajo tha jo, ai tërhoqi armën dhe ia drejtoi drejt gjoksit të saj, sipas pamjeve dramatike të mbikëqyrjes të incidentit të ndarë nga këshilltarja e qytetit të Austin, Mackenzie Kelly.

Videoja e incidentit tregon dy klientë duke u përpjekur ta ndalnin Rushin, i cili thuhet se ka qëlluar të shtëna të shumta. Për fat të mirë, askush nuk u godit.

Kujtojmë se Rush më parë ishte akuzuar për një krim të shkallës së dytë, sulm të rëndë me armë vdekjeprurëse dhe dhunë në familje.

Një urdhër mbrojtjeje u lëshua, por ai shpejt u lirua pasi pagoi një garanci prej 40 mijë dollarësh.

“Për 40,000 dollarë, mund të dilni jashtë, të shkoni në shtëpi, të shikoni Netflix pasi u përpoqët të vrisni ish-të dashurën tuaj – po talleni me mua?”, tha një nga klientët e kafe-barit.

Udhëheqësit lokalë kanë folur gjithashtu kundër asaj se sa shpejt dhe lehtë Rush u lirua nga paraburgimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat