Një pilot jashtë detyre po përballet me 83 aktakuza për tentativë vrasjeje, pasi dyshohet se u përpoq të rrëzonte një aeroplan pasagjerësh gjatë një fluturimi të dielën mbrëma.
I dyshuari ishte ulur në kabinën e një fluturimi të Alaska Airlines pas kapitenit dhe oficerit të parë, sipas një deklarate të linjës ajrore, raporton BBC.
Piloti jashtë detyre i dyshuar për rastin u identifikua si Joseph David Emerson, 44-vjeçar.
Aeroplani ishte nisur nga Everett, Washington për në San Francisko, Kaliforni me 80 pasagjerë në bord.
Siç raportohet, aeroplani u devijua më pas për në Portoland, Oregon dhe i dyshuari u kap pa incidente, thanë zyrtarët.
Në një deklaratë, Alaska Airlines tha se piloti jashtë detyrës po udhëtonte i ulur në kabinën e fluturimit, kur ai “përpoq pa sukses të prishte funksionimin e motorëve”.
Anëtarët e ekuipazhit në fluturimin 2059 të Alaska Airlines raportuan incidentin në kontrollin e trafikut ajror.
