​Joe Biden diagnostifikohet me kancer

Ish-Presidenti i Shteteve të Bashkuara, Joe Biden, është diagnostikuar me kancer prostatë që është përhapur në kockat e tij, njoftoi zyra e tij të dielën.

Biden, 82 vjeç, u diagnostikua të premten pasi vizitoi një mjek javën e kaluar për simptoma urinare, shkruan BBC transmeton Bota sot.

Kanceri është një formë më agresive e sëmundjes, e karakterizuar nga një rezultat Gleason prej 9 nga 10. Kjo do të thotë që sëmundja e tij klasifikohet si "me gradë të lartë" dhe qelizat kancerogjene mund të përhapen shpejt, sipas Kërkimit të Kancerit në Mbretërinë e Bashkuar.

Biden dhe familja e tij thuhet se po shqyrtojnë opsionet për trajtim. Zyra e ish-presidentit shtoi se kanceri është i ndjeshëm ndaj hormoneve, që do të thotë se mund të menaxhohet.

Pas lajmeve për diagnozën e tij, ish-presidenti mori mbështetje nga të dyja anët e politikës.

Presidenti Donald Trump shkroi në platformën e tij sociale Truth Social se ai dhe Zonja e Parë Melania Trump "janë të trishtuar për të dëgjuar për diagnozën e fundit mjekësore të Joe Biden".

"Ne dërgojmë urimet tona më të ngrohta dhe më të mira për Jill dhe familjen," tha ai, duke iu referuar ish-Zonjës së Parë Jill Biden. "I urojmë Joe një rikuperim të shpejtë dhe të suksesshëm."

Përfaqësuesi Demokrat i Dhomës së Përfaqësuesve, Ro Khanna, shkroi në X se ai po lutet për Biden dhe familjen e tij. "Ai dhe Jill gjithmonë kanë qenë luftëtarë," tha ai. "Jam i sigurt se ata do ta përballojnë këtë sfidë me vendosmëri dhe dinjitet."

Lajmi vjen gati një vit pas tërheqjes së ish-presidentit nga garat për zgjedhjet presidenciale të SHBA-së të vitit 2024 për shkak të shqetësimeve mbi shëndetin dhe moshën e tij. Ai është personi më i moshuar që ka mbajtur këtë post në historinë e SHBA.

Biden, atëherë kandidati Demokrat që garonte për ri-zgjedhje, u kritikua për performancën e tij të dobët në një debat të transmetuar në qershor kundër kandidatit republikan dhe presidentit aktual Donald Trump. Ai u zëvendësua si kandidati demokrat nga nënkryetarja e tij Kamala Harris.

Kanceri i prostatës është kanceri i dytë më i zakonshëm që prekin burrat, pas kancerit të lëkurës, sipas Klinikës Cleveland. Qendrat për Kontrollin dhe Parandalimin e Sëmundjeve (CDC) thonë se 13 nga çdo 100 burra do të zhvillojnë kancer prostatë në një moment të jetës së tyre.

Mosha është faktori më i zakonshëm rreziku, thotë CDC.

Biden ka pasur një tërheqje të madhe nga sytë e publikut që kur la Shtëpinë e Bardhë dhe ka pasur pak paraqitje publike.

Ish-presidenti mbajti një fjalim kryesor në prill në një konferencë në Çikago të organizuar nga Advocates, Counselors, dhe Representatives for the Disabled, një grup mbështetjeje në SHBA për njerëzit me aftësi të kufizuara.

Në maj, ai pati një intervistë me BBC-në – e para që pas largimit nga Shtëpia e Bardhë – ku pranoi se vendimi për të hequr dorë nga gara për vitin 2024 ishte "i vështirë".

Biden ka përballuar pyetje rreth gjendjes së shëndetit të tij në muajt e fundit.

Në një paraqitje në programin "The View" që u mbajt gjithashtu në maj, Biden mohoi pretendimet se kishte përjetuar rënie të aftësive njohëse në vitin e tij të fundit në Shtëpinë e Bardhë. "Nuk ka asgjë që e mbështet këtë," tha ai.

Për shumë vite, presidenti ka mbështetur kërkimin mbi kancerin. Në vitin 2022, ai dhe zonja Biden rilançuan iniciativën "Cancer Moonshot" me qëllimin për të mobilizuar përpjekjet për kërkime për të parandaluar më shumë se katër milionë vdekje nga kanceri deri në vitin 2047.

Biden vetë e humbi djalin e tij më të madh, Beau, nga kanceri i trurit në vitin 2015.

Ish-presidenti amerikan, Joe Biden është diagnostikua me një “formë agresive” të kancerit të prostatës, dhe sëmundja i është përhapur edhe në eshtra.

“Javën e kaluar, presidenti Joe Biden të premten është diagnostikuar me kancer të prostatës, i karakterizuar me një rezultat Gleason prej 9 me metastazë në kocka”, thuhet në një deklaratë nga zyra e tij.

82-vjeçari dhe familja e tij “po shqyrtojnë opsionet e trajtimit me mjekët e tij”, thuhet tutje në deklaratë.

Bideni është në shtëpinë e tij në Wilmington, Delaware, këtë fundjavë sipas një burimi.

Lajmi vjen disa ditë pasi një zëdhënës i Bidenit tha se ish-presidenti kohëve të fundit u vlerësua për një “nyje të vogël” të zbuluar në prostatën e tij.

Shqetësimet rreth moshës dhe shëndetit të Biden, vazhduan edhe gjatë kohës së tij në detyrë dhe ishte në fokus më shumë pas ndalimit të performancës së tij të debatit kundër Donald Trumpit qershorin e kaluar.

Në shkurt të vitit 2024, Bideni iu nënshtrua një kontrolli fizik në Qendrën Ushtarake Kombëtare Ëalter Reed, i mbikëqyrur nga mjeku i tij Dr.Kevin O’Connor, i cili në atë kohë tha se nuk kishte “shqetësime të reja” me shëndetin e presidentit dhe se ai ishte “i aftë për detyrë”.

Edhe përpara debatit të Bidenit që çoi në vendimin e tij për t’u larguar nga zgjedhjet e 2024-ës tre javë më vonë, një libër i ri nga Jake Tapper i CNN dhe Alex Thompson i Axios përshkruan se si presidenti kishte treguar shenja të rënies së tij që ndihmësit i injoruan ose i shpjeguan.

Tapper dhe Thompson shkruajnë se ndihmësit e Biden diskutuan privatisht nëse do të duhej ta vendosnin atë në një karrige me rrota për mandatin e tij të dytë dhe se Biden nuk e njohu yllin e filmit George Clooney në një mbledhje fondesh të qershorit të vitit 2024.

Biden ka mbajtur një profil relativisht të ulët që nga largimi nga Shtëpia e Bardhë, por ngadalë ka filluar të rishfaqet në skenën publike. Ai u shfaq së bashku me gruan e tij, Jill Biden, në fillim të këtij muaji në “The Vieë” të ABC, ku ai refuzoi sugjerimet se kishte përjetuar rënie njohëse në vitin e tij të fundit në detyrë.

“Ata e kanë gabim”, tha Joe Biden.

-----

Ish-presidenti amerikan Joe Biden është diagnostikuar me një formë agresive të kancerit të prostatës që tashmë është përhapur në kockat e tij, njoftoi sonte zyra e tij personale.

"Javën e kaluar, presidenti Joe Biden iu nënshtrua një ekzaminimi për një rritje të sapo zbuluar në prostatën e tij, pasi kishte probleme gjithnjë e më të theksuara urinare. Të premten, ai u diagnostikua me kancer në prostatë, me një rezultat Gleason 9 (Grupi 5), me metastaza në kocka", thuhet në deklaratë.

Shtohet se kjo është një formë më agresive e sëmundjes, por tumori është i ndjeshëm ndaj hormoneve, gjë që mundëson trajtim efektiv.

Biden dhe familja e tij thuhet se po diskutojnë aktualisht opsionet e trajtimit me mjekët e tyre.