Një test rutinë i kompanisë SpaceX përfundoi me një shpërthim dramatik, kur raketa Starship 36 shpërtheu në flakë gjatë një prove në bazën testuese në Teksas, mbrëmjen e së mërkurës.
Pamjet filmike tregojnë raketën që qëndronte në pozicion vertikal, ndërsa një re e vogël tymi ngrihej nga baza e saj.
Papritur, maja e raketës shpërthen me një dritë të bardhë verbuese, e ndjekur nga një shpërthim i fuqishëm i shoqëruar me flakë.
Një zjarr i madh përfshiu të gjithë zonën, ndërsa karburanti i raketës digjet me intensitet.
Zyrtarët konfirmuan se testi dështoi si rezultat i një defekti të rëndë inxhinierik, por fatmirësisht nuk pati të lënduar.
Sipas mediave lokale, banorët e zonës ndjenë tronditjen e shpërthimit, që shkaktoi dridhje në dritare dhe objekte të shtëpisë.
