Kryepidemiologu i Indisë Shahid Jameel, dha dorëheqjen nga një organ këshillimor i bërë nga qeveria me synimin për të luftuar llojet e reja të virusit, disa javë pasi ai vuri në pikëpyetje mënyrën se si qeveria po lufton pandeminë COVID-19.
Jameel ishte president i grupit këshillimor shkencor i njohur si INSACOG, por ai nuk pranoi të tregojë arsyen e dorëheqjes, raporton Reuters.
"Unë nuk jam i detyruar të them arsyen," shkroi ai në një mesazh për agjencinë britanike të lajmeve.
INSACOG paralajmëroi qeverinë në fillim të marsit për një lloj të ri dhe më ngjitës të virusit që përhapet në të gjithë vendin, B.1.617.
I pyetur pse qeveria nuk iu përgjigj më fuqishëm zbulimit të trupit këshillues duke kufizuar mbledhjet, Jameel tha për Reuters se ishte i shqetësuar se autoritetet nuk po i kushtonin vëmendje të mjaftueshme provave të paraqitura.
