Garda e Iranit sekuestron transportuesen e naftës kontrabandë në Gjirin Persik

Azia

Garda e Iranit sekuestron transportuesen e naftës kontrabandë në Gjirin Persik

Më: 20 nëntor 2021 Në ora: 20:40
Foto

Imazhe të publikuara sot nga televizioni iranian tregonin ushtarët e Gardës Revolucionare që merrnin kontrollin e një transportueseje nafte në Gjirin Persik.

Autoritetet thanë se mjeti ishte sekuestruar për kontrabande dhe 11 anëtarët e huaj të ekuipazhit ishin arrestuar.

“Falë një operacioni të koordinuar me shërbimet tona të inteligjencës, ndaluam mjetin trafikues në ujërat tona territoriale,” tha koloneli i Gardës Ahmad Hajian.

Ai nuk specifikoi datën e sakte te ngjarjes, kombësinë e të ndaluarve apo prejardhjen e mjetit.

“Pas inspektimeve u zbuluan 150,000 litra karburant kontrabandë në mjet dhe 11 anëtarët e huaj të ekuipazhit dolën në gjyq”, shtoi ai.

Incidenti vjen pas një serie sulmesh  ndaj mjeteve komerciale të linjave detare të Gjirit Persik, ku kalon një pjesë e madhe e tregtisë botërore të naftës.

Më 10 nëntor Garda Revolucionare e Iranit njoftoi gjithashtu kapjen e një anijeje transportuese me flamur vietnamez në detin e Omanit.

Nga ana tjeter disa transportuese iraniane janë sekuestruar nga SHBA në detet larg Gjirit Persik ne kuader te sanksioneve te vendosura per programet e ndaluara raketore apo berthamore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat