Qyteti kinez i Xi’an shtrëngoi masat e tij të bllokimit dhe nisi një raund të ri të testimeve masive të COVID-19 pasi infeksionet ditore shkuan përtej 150 tre ditë me radhë.
Autoritetet regjistruan 175 raste lokale të hënën, shpërthim ky që ka shtyrë rastet e përditshme të Kinës në nivele rekord që nga fillimi i vitit të kaluar.
175 infeksionet e raportuara në Xi’an, në provincën veriperëndimore Shaanxi, u rritën nga 162 të dielën dhe 158 një ditë më parë, sipas një njoftimi të qeverisë të lëshuar të martën, duke e çuar numrin e përgjithshëm të rasteve lokale në 810 në qytet.
Autoritetet vendosën izolim për 13 milionë banorët në Xi’an më 23 dhjetor, ndërsa ata u përpoqën të frenonin përhapjen.
Familjet u lejuan të dërgonin një anëtar në dyqane për gjërat e nevojshme çdo dy ditë kur bllokimi u vendos javën e kaluar, por duke filluar nga e hëna banorëve u është ndaluar të largohen nga shtëpitë përveç kryerjes së testeve të virusit.
Një raund i ri i testeve masive të virusit ka nisur të hënën për të gjithë banorët. Është testi i pestë i detyrueshëm që nga 19 dhjetori.
Autoritetet gjithashtu kanë pezulluar shumicën e trenave të pasagjerëve dhe të gjitha fluturimet e brendshme që hyjnë dhe dalin nga Xi’an, sipas transmetuesit shtetëror CCTV.
