Bora “varros” Japoninë: Nisi për Krishtlindje, nuk ka të reshtur!

Azia

Bora “varros” Japoninë: Nisi për Krishtlindje, nuk ka të reshtur!

Më: 28 dhjetor 2021 Në ora: 13:44
Foto ilustrim

Ngërçe të mëdha trafiku, anulime fluturimesh, trazira në shërbimet hekurudhore: reshjet rekord të deborës i kanë zhytur në kaos rajonet veriore dhe perëndimore të Japonisë.

Mijëra shtëpi kanë mbetur pa energji elektrike, por ndërsa situata në këto zona paraqitet e rënduar, nuk ka raporte për vdekje apo lëndime të lidhura me motin e acartë.

Zëdhënësi i qeverisë, Hirokazu Matsuno njoftoi se “autostrada e rajonit Shiga ishte mbyllur prej “automjeteve të bllokuara”. Pamjet filmike që tregonin radhë të gjata automjetesh, ishin ilustrimi më i mirë i fjalëve të tij.

“Një motiv presioni të fortë atmosferik po shkakton dëborë të rëndë, kryesisht ne rajonet pranë detit të Japonisë dhe në zonat veriore e perëndimore, disa prej të cilave kanë pasur reshje rekord”, pohoi zyrtari.

Ai bëri thirrje për rritje të kujdesit e vigjilencës teksa reshjeve që kanë nisur për Krishtlindje, nuk i duket ende fundi e thuhet se do të vazhdojnë. Gati 130 fluturime të brendshme u anulluan të djelën për shkak të dëborës, e 50 të tjera të hënën.

commentFirst article
Sot mund të lexoni Shfletoni kopertinat