Një burrë 74-vjeçar që vdiq në shtetin perëndimor të Rajasthan, ishte vdekja e parë e Indisë me variantin Omicron, thanë dje nga ministria e shëndetësisë atje, shkruan BBC.
Bëhet e ditur se burri vuante nga diabeti dhe sëmundje të tjera shoqëruese.
India ka raportuar 2 mijë e 630 raste të Omicron deri më tani.
U raportuan më shumë se 90 mijë raste të enjten – një rritje gati gjashtëfish gjatë javës së kaluar që ekspertët thonë se është nxitur nga varianti Omicron.
India regjistroi 325 vdekje në 24 orët, por vetëm një ka qenë e lidhur me Omicron, thanë zyrtarët.
“Teknikisht kjo është një vdekje e lidhur me Omicron. Ai ishte një person i moshuar që kishte diabet dhe sëmundje shoqëruese,” tha sekretari i përbashkët i Ministrisë së Shëndetësisë, Lav Agarwal në konferencën e përditshme për shtyp të mërkurën.
