Kina ul normat e interesit pas ngadalësimit të rritjes ekonomike

Azia

Kina ul normat e interesit pas ngadalësimit të rritjes ekonomike

Më: 17 janar 2022 Në ora: 09:23
Flamuri i Kinës

Kina ka ulur normat e interesit për herë të parë në gati dy vjet, pasi të dhënat zyrtare kanë treguar për ritme të ngadalshme të rritjes ekonomike.

Për të ndihmuar në nxitjen e ekonomisë, Banka Popullore e Kinës ka thënë se do të ulë normën e interesit për kreditë njëvjeçare në 2.85 për qind.

Bruto-prodhimi i brendshëm (GDP) është rritur për 4 për qind në tre muajt e fundit të vitit 2021 në krahasim me një vit më herët, ka thënë Byroja Kombëtare e Statistikave.

Ky rezultat ka qenë shumë më i mirë sesa parashikimet e disa ekonomistëve, mirëpo rritja ka qenë shumë më e ngadalshme sesa çereku paraprak.

Një tjetër shenjë e trendeve në ulje ka qenë edhe ajo e rënies së shitjeve me pakicë për 1.7 për qind.

Sa i përket gjithë vitit, të dhënat zyrtare kanë treguar se ekonomia e Kinës është rritur për 8.1 për qind, duke tejkaluar edhe pritjet e ekonomistëve dhe synimeve të Pekinit për rritje rreth 6 për qind.

Veprimet e Kinës për ulje të normave të interesit e vendosin atë anash vendimeve të bankave të mëdha qendrore në botë.

Rezervat Federale të Shteteve të Bashkuara kanë thënë se planifikojnë të rrisin normat e interesit tri herë këtë vit.

Në Mbretëri të Bashkuar, Banka e Anglisë ka rritur normat e interesit muajin e kaluar, për herë të parë në më shumë se tri vjet, me qëllim të luftimit të rritjes së çmimeve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat