Miliona indianë përballen me valë të të nxehtit

Azia

Miliona indianë përballen me valë të të nxehtit

Më: 28 prill 2022 Në ora: 09:09
Një burrë duke u freskuar me ujë në Indi. Fotografi nga arkivi.

“Temperaturat janë duke u rritur shpejt dhe më herët sesa zakonisht”, ka thënë kryeministri indian, Narendra Modi para ministrave të shtetit.

Departamenti Meteorologjik i Indisë ka parashikuar një rritje graduale në temperaturat maksimale për 2 deri në 4 gradë Celsius në veriperëndim dhe qendër të Indisë këtë javë.

Ndonëse valët e të nxehtit janë të zakonshme në Indi, sidomos në maj dhe qershor, vera ka nisur më herët këtë vit, pasi në mars janë shënuar temperaturat më të larta në 122 vjetët e fundit.

Qendra për Shkencë dhe Ambient, institut që merret me këto çështje, ka thënë se valët e të nxehtit kanë prekur këtë vit 15 rajone në veri, zonë që njihet për temperatura normale.

Delhi pritet të regjistrojë këtë javë temperatura deri në 44 gradë Celsius.

Naresh Kumar, shkencëtar, ka thënë se kjo situatë është pasojë e faktorëve atmosferikë lokalë.

Nxehtësia ka ndikuar edhe në rritje të kërkesës për rrymë, duke çuar në ndërprerje të energjisë në disa rajone dhe shqetësime për mungesë thëngjilli./REL

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat