Re të dendura hiri në Filipine teksa vullkani shpërthen sërish

Azia

Re të dendura hiri në Filipine teksa vullkani shpërthen sërish

Më: 13 qershor 2022 Në ora: 20:04
Foto nga vendi i ngjarjes

Disa qytete ishin mbuluar nga hiri dje në lindje të Filipineve pas shpërthimit të ri të vullkanit.

Shpërthimi i djeshëm i vullkanit Bulusan zgjati vetëm 18 minuta duke lëshuar hi të dendur mbi qytezat që po rekuperoheshin nga shpërthimi i tij javën e shkuar.

Në qytezën Juban, që ishte më e prekura punonjësit e emergjencave sinjalizonin shoferët për shpejtësinë dhe shikueshmërinë e ulët.

Rezidenti Antonio Habitan, tha se rënia e hirit kishte nisur në orët e para të mëngjesit.

“Shpërthimi nisi në ora 3 të mëngjesit dhe unë besoja se po binte shi, por kur pashë jashtë kishte hi kudo”.

“Lumi është mbushur me hi dhe deri në ora 7 të mëngjesit situata nuk ka ndryshuar”, shtoi ai.

“Ishte ora 3 e mëngjesit kur dëgjuam zhurmën dhe vetëtimat rreth vullkanit Bulusan. Ne mendonim se binte shi me hi, pasi nuk mud të shihnim qartë”, thotë rezidentja Rosalie Eco.

“Por rreth orës 4 hiri nisi të bëhej më i trashë. Pak më parë kishte një përplasje mes dy kamionave pasi nuk ka shikueshmëri prej hirit”, shton ajo.

Gruaja shton se hiri mund të dëmtojë prodhimet bujqësore vendase.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat