Një bandë majmunësh në Tanzani rrëmbyen një foshnje nga duart e nënës – njëmuajshi vdes në spital pas lëndimeve

Azia

Një bandë majmunësh në Tanzani rrëmbyen një foshnje nga duart e nënës – njëmuajshi vdes në spital pas lëndimeve

Më: 21 qershor 2022 Në ora: 15:40
Foto ilustrim

Një foshnjë u vra nga një bandë majmunësh që e rrëmbyen nga mamaja e tij derisa ajo po e ushqente me gji.

Sipas medieve të huaja, njëmuajshi ishte me nënën e tij jashtë shtëpisë së familjes në një fshat në Tanzani kur tmerri ndodhi gjatë një pasditeje.

Shayima Said filloi të bërtiste nga tmerri derisa majmunët u larguan me Luhaiba-n, në fshatin Mwamgongo.

Komandanti i policisë rajonale të Kigoma, James Manyama, konfirmoi detajet e incidentit.

“Fëmija ishte me nënën e tij jashtë shtëpisë së tyre kur një grup majmunësh pushtuan shtëpinë dhe e morën atë”, tha oficeri.

“Ajo bërtiti për ndihmë dhe banorët e fshatit nxituan në shtëpinë e saj për ta ndihmuar në marrjen e fëmijës së saj – të identifikuar si Luhaiba Said – nga grupi i majmunëve”

Banorët arritën të gjenin majmunët dhe u përpoqën të çlironin foshnjën prej tyre gjatë incidentit të tmerrshëm të 18 tetorit.

“Kur erdhën banorët ishte tepër vonë sepse foshnja ishte tashmë në duart e majmunëve dhe kur ata u përpoqën ta merrnin me forcë, ai u lëndua në kokë dhe në qafë”, tha Manyama.

Luhaiba u lirua, por fatkeqësisht vdiq në spital më vonë derisa po trajtohej për plagët, shtoi komandanti i policisë.

Ai zbuloi se incidente të ngjashme ishin “jo të rralla” në fshatra sikurse Mwamgongo që janë afër Parkut Kombëtar Gombe. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat