Tërmeti i fuqishëm shkaktoi mbi një mijë viktima, Talebanët bëjnë thirrje për ndihmë ndërkombëtare

Azia

Tërmeti i fuqishëm shkaktoi mbi një mijë viktima, Talebanët bëjnë thirrje për ndihmë ndërkombëtare

Më: 22 qershor 2022 Në ora: 23:33
Talebanët

Talebanët në Afganistan kanë bërë thirrje për mbështetje ndërkombëtare, pasi vendi po përballet me pasojat e një tërmeti shkatërrues me magnitudë 6.1 ballësh.

Më shumë se 1,000 njerëz kanë vdekur dhe të paktën 1,500 janë plagosur, tha një zyrtar lokal.

Provinca Paktika në juglindje ka qenë më e prekura. OKB-ja po përpiqet të sigurojë strehim urgjent dhe ndihmë ushqimore.

Përpjekjet e shpëtimit po pengohen nga reshjet e dendura të shiut dhe breshrit, raporton bbc.

Tërmeti më vdekjeprurës që goditi vendin në dy dekada është një sfidë e madhe për talebanët, lëvizjen islamike e cila rifitoi pushtetin vitin e kaluar pas rënies së qeverisë së mbështetur nga perëndimi.

Epiqendra e tërmetit ishte rreth 44 km nga qyteti i Khost dhe lëkundjet u ndjenë deri në Pakistan dhe Indi.

“Qeveria fatkeqësisht është nën sanksione, kështu që është e paaftë financiarisht të ndihmojë njerëzit në masën që është e nevojshme”, tha Abdul Qahar Balkhi, një zyrtar i lartë i talebanëve.

“Ndihma duhet të rritet në një masë shumë të madhe, sepse ky është një tërmet shkatërrues që nuk është përjetuar në dekada”, shtoi ai.

Numri i njerëzve të ngecur nën rrënoja nuk dihet. Punonjësit e shëndetësisë dhe të ndihmës kanë thënë se operacioni i shpëtimit është veçanërisht i vështirë për shkak të shiut të dendur.

Në zonat e largëta, helikopterët kanë transportuar viktimat në spitale. OKB-ja dhe agjencitë e ndihmës në Pakistanin fqinj po ndihmojnë me përpjekjet humanitare, e cila përfshin vendosjen e ekipeve mjekësore dhe sigurimin e furnizimeve mjekësore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat