Iran, babai i Mahsa Aminit i akuzon autoritetet për gënjeshtra

Azia

Iran, babai i Mahsa Aminit i akuzon autoritetet për gënjeshtra

Më: 22 shtator 2022 Në ora: 17:01
Mahsa Amini

Babai i Mahsa Amini, gruaja 22-vjeçare, vdekja e së cilës ka shkaktuar një valë të protestave në të gjithë Iranin, i ka akuzuar autoritetet për gënjeshtra.

Në një intervistë për BBC-në, Amjad Amini tha se atij nuk i ishte lejuar të shihte raportin e autopsisë së vajzës së tij dhe mohoi që ajo kishte qenë me shëndet të keq.

Ai tha se dëshmitarët i kishin thënë familjes se ajo ishte rrahur nga policia deriosa ishte në paraburgim. Autoritetet iraniane e kanë mohuar këtë.

Mahsa Amini u arrestua për gjoja shkelje të rregullave për veshjen e hixhabit.

Gruaja kurde nga qyteti veri-perëndimor i Saqezit, vdiq në spital në Teheran të premten, pasi kaloi tre ditë në gjendje kome, shkruan BBC.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat