Koreja e Veriut po planifikon të ndërtojë raketën bërthamore më të fuqishme në botë

Azia

Koreja e Veriut po planifikon të ndërtojë raketën bërthamore më të fuqishme në botë

Më: 27 nëntor 2022 Në ora: 21:41
Udhëheqësi i Koresë së Veriut Kim Jong Un

Udhëheqësi i Koresë së Veriut Kim Jong Un po planifikon të ndërtojë forcën bërthamore "më të fuqishme në botë", njoftoi të dielën agjencia shtetërore e lajmeve KCNA.

“Qëllimi përfundimtar pas programit bërthamor të Koresë së Veriut ishte të zotëronte një forcë absolute, të paprecedentë në shekull”, tha Kim të shtunën si pjesë e një urdhri që promovon dhjetëra zyrtarë ushtarakë, raportoi agjencia.

Urdhëri vjen pas asaj që Koreja e Veriut tha se ishte një "qitje provë e një lloji të ri" të raketës balistike ndërkontinentale (ICBM) më 18 nëntor.

Raketa ishte një Hwaseong-17, sipas KCNA, një raketë e madhe që teorikisht është e aftë të dërgojë një kokë bërthamore në territorin e Shteteve të Bashkuara.

Kim lavdëroi zyrtarët që zhvilluan raketën e re në komentet e tij.

Ai e quajti raketën "arma strategjike më e fortë në botë" dhe tha se ajo përfaqësonte "një hap të mrekullueshëm përpara në zhvillimin e teknologjisë së montimit të kokave bërthamore në raketa balistike".

Me zhvillimin e ICBM-së së re, Kim tha se Koreja e Veriut i kishte demonstruar botës "të ardhmen e sigurt dhe gjithnjë fitimtare të shtetit tonë që përparon drejt qëllimit për të ndërtuar ushtrinë më të fortë në botë".

Në një letër dërguar Kim së fundmi, shkencëtarët nga Akademia e Shkencave të Mbrojtjes të Koresë së Veriut thanë se gjuajtja testuese shënoi një "fitore të madhe historike" për vendin dhe demonstroi sovranitetin e Koresë së Veriut, raporton CNN.

Vetë Kim mori pjesë në prezantim me një fëmijë që besohet të jetë vajza e tij, Ju Ae.

Ndërsa testi tregoi se Pheniani mund të lëshojë një ICBM të madh dhe ta mbajë atë lart për më shumë se një orë, Koreja e Veriut ende nuk e ka demonstruar aftësinë për të vendosur një kokë bombe në majë të një rakete balistike me rreze të gjatë - predha që hidhen në hapësirë është në gjendje t'i mbijetojë hyrjes së zjarrtë në atmosferën e Tokës.

Por analistët thonë se me teste të përsëritura, koreano-veriorët po përmirësojnë aftësitë e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat