Tërmet i fuqishëm godet Filipinet

Azia

Tërmet i fuqishëm godet Filipinet

Më: 28 qershor 2025 Në ora: 14:36
Foto ilustrim

Një tërmet me magnitudë 6.1 goditi të shtunën në det të hapur në lindje të Saranganit në provincën e Davao Occidental në Filipinet jugore, sipas Institutit Filipine të Vullkanologjisë dhe Sizmologjisë Phivolcs.

Epiqendra u gjurmua në 98 kilometra në lindje të ishullit Sarangani në një thellësi prej 10 kilometrash. Ishte me origjinë tektonike, raportoi Manila Times, duke cituar Phivolcs.

Një tërmet me intensitet pesë u ndje në Malungon, Sarangani, ndërsa lëkundjet me Intensitet IV u regjistruan në Kiamba, Sarangani dhe General Santos City, Cotabato Jugore.

Nuk ka pasur raporte të menjëhershme për dëme apo viktima dhe nuk është lëshuar asnjë paralajmërim për cunami. Manila Times fillimisht raportoi se një tërmet me magnitudë 6.9 goditi, raporton KosovaPress.

Tërmetet ndodhin pothuajse çdo ditë në Filipine, të cilat shtrihen përgjatë "Unazës së Zjarrit" të Paqësorit, një zonë me aktivitet të fortë sizmik që shtrihet nga Japonia përmes Azisë Juglindore dhe përreth Oqeanit Paqësor.

comment Për komente lëvizni më poshtë
Sot mund të lexoni Shfletoni kopertinat